മലയാളികളുടെ ഇഷ്ടനടിയാണ് ഭാമ. നിവേദ്യം എന്ന സിനിമയിലൂടെ മലയാളികളുടെ മനം കവര്‍ന്ന ആ പെണ്‍കുട്ടി വിവാഹിതയാകുകയാണ്. ബിസിനസു്കാരന്‍ അരുണ്‍ ആണ് വരന്‍. ജനുവരിയിലാണ് വിവാഹം. വിവാഹവും മെഹന്തി ചടങ്ങും കോട്ടയത്താണ് നടത്തുന്നത്. വിവാഹത്തെക്കുറിച്ച്‌ രണ്ടു വര്ഷം മുമ്ബ് ഒരു മാഗസിനില്‍ നല്‍കിയ അഭിമുഖത്തില്‍ വരനെ കണ്ടെത്തുന്നത് വീട്ടുകാരെ ഏല്‍പ്പിച്ചിരിക്കുകയാണെന്നു ഭാമ പറഞ്ഞിരുന്നു.

ഇത് ചോദ്യത്തില്‍ നിന്നു രക്ഷപ്പെടാനുള്ള പതിവ് ഉത്തരമായാണ് ഇത് കരുതിയതെന്ന് അഭിമുഖത്തിനിടയില്‍ പറഞ്ഞപ്പോള്‍ 'പറഞ്ഞത് കള്ളമായിരുന്നില്ല, ചോദ്യത്തില്‍ നിന്ന് ഒളിച്ചോടിയതുമല്ല.' ഭാമ പറഞ്ഞു. 'പതിനെട്ടാം വയസ്സില്‍ സിനിമയില്‍ വന്നതാണ് ഞാന്‍. സിനിമകള്‍ ചെയ്യണം, സമ്ബാദിക്കണം.

സ്വന്തം കാലില്‍ നില്‍ക്കാനാകണം. എന്നിട്ടേ വിവാഹം കഴിക്കൂ. അതും ഇരുപത്തെട്ടു വയസ്സിനു ശേഷം. ഇതെല്ലാം അന്നേ തീരുമാനിച്ചിരുന്നു. അമ്മയും എങ്ങുമെത്താത്ത മൂന്നു പെണ്‍മക്കളും. അതായിരുന്നു അന്ന് ഞങ്ങളുടെ കുടുംബം. അതുകൊണ്ടു തന്നെ ജീവിതത്തെ അത്രയും ഗൗരവമായാണ് കണ്ടത്.' താരം പറയുന്നു.