സന്ദര്‍ശനം (കവിത -ബിന്ദു ടിജി)

SAHITHYAM 18-Dec-2019 ബിന്ദു ടിജി
SAHITHYAM 18-Dec-2019
ബിന്ദു ടിജി
Share
image
കവിതേ നീ എന്റെ മുന്നില്‍
കരഞ്ഞു വീര്‍ത്ത മുഖവുമായി വരരുത്
മധുരമുള്ള ഓര്‍മ്മകളുമായി 
തണുത്ത പ്രഭാതം പോലെ
തളര്‍ന്ന സന്ധ്യ പോലെ
നീയെന്നെ നോക്കരുത്
മിടുക്കനായ തത്തയെ പോലെ
പ്രണയം  പ്രണയം എന്ന് ചിലക്കുകയുമരുത്

ചന്ദ്രനില്ലാത്ത രാത്രിയില്‍ 
ഒരു തിരി പോലുമില്ലാതെ
എല്ലു  തുളച്ചു കയറുന്ന
തണുപ്പിന്റെ ചീളുകളെ വകഞ്ഞു മാറ്റി 
ഇരുട്ട് കുടിച്ച് കൊഴുത്ത
എന്റെ കൂരയില്‍ ശബ്ദമില്ലാതെ
ഒരു കള്ളനെ പോലെ നീ  കടന്നു വരണം
ചുണ്ടുകള്‍ കൊണ്ട് ഹൃദയവുമായി സംവദിക്കാന്‍   കാത്തിരിക്കുന്ന എന്നെ 
നീ ജ്വലിപ്പിച്ചൊരു തീക്കനലാക്കണം
കിഴക്ക് വെളുക്കും വരെ



image
Facebook Comments
Comments.
image
Bindu Tiji
2019-12-19 15:12:53
സുധീർ  സർ, ജ്യോതി ലക്ഷ്മി,  നല്ല വായനക്ക് നന്ദി
image
Jyothylakshmy Nambiar
2019-12-19 05:56:01
ജീവിതമാകുന്ന തണുപ്പിൽ തീക്കനലാകുന്ന പ്രണയത്തെ ക്ഷണിയ്ക്കുന്ന ഭാവന നന്നായിരിയ്ക്കുന്നു
image
Sudhir Panikkaveetil
2019-12-18 09:45:29
രതിയിലേക്കുള്ള പ്രണയത്തിന്റെ 
പ്രയാണമാണ് മനുഷ്യമനസ്സുകളെ 
കൊതിപ്പിക്കുന്നത്. പ്രണയം ഒരിക്കലും 
തണുത്തിരിക്കരുത് അത് ജ്വലിക്കുന്ന കനലാകണം.
തണുപ്പിൽ, ഇരുട്ടിൽ അത് ജ്വലിക്കണം 
പുലരുവോളം. വീണ്ടും ഇരുട്ട് പരക്കുമ്പോൾ 
അത് തുടരണമെന്ന സൂചന. പ്രണയവും 
രതിയും മനസ്സിലെ ഉദയാസ്തമയങ്ങൾ. 
പ്രണയപകലുകളെക്കാൾ രതിരജനികൾ 
കൊതിക്കുന്നവരുടെ ഹൃദയത്തുടിപ്പുകൾ 
വരികളിൽ കാണാം. 
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section