ട്രക്ക്‌ നദിയിലേക്ക്‌ മറിഞ്ഞ്‌ മലയാളി ഉള്‍പ്പെടെ നാല്‌ സൈനികര്‍മരിച്ചു
Published on 10 December, 2019
പാലക്കാട്‌: ട്രക്ക്‌ നദിയിലേക്ക്‌ മറിഞ്ഞ്‌ മലയാളി ഉള്‍പ്പെടെ നാല്‌ സൈനികര്‍ക്ക്‌ ദാരുണാന്ത്യം. അരുണാചല്‍ പ്രദേശില്‍ ആണ്‌ സൈനിക ട്രക്ക്‌ മറിഞ്ഞത്‌. പാലക്കാട്‌ എളവത്തൊടിയില്‍ പവിത്രന്‍ ആണ്‌ മരിച്ച മലയാളി. സൈനികര്‍ സഞ്ചരിച്ച ട്രക്ക്‌ 1500 അടി താഴ്‌ചയില്‍ നദിയിലേക്ക്‌ മറിഞ്ഞാണ്‌ അപകടം. നാലു സൈനികരും സംഭവസ്ഥലത്ത്‌ തന്നെ മരിച്ചു.
സഹപ്രവര്‍ത്തകര്‍ക്കൊപ്പം നാട്ടിലേക്ക്‌ ഫോണ്‍ ചെയ്യാന്‍ പോകുന്നതിനിടെയാണ്‌ അപകടം സംഭവിച്ചത്‌. ക്യാംപില്‍ മൊബൈല്‍ ഫോണിന്‌ റേഞ്ച്‌ കിട്ടാത്തതിനാല്‍ ഞായറാഴ്‌ചകളിലാണ്‌ കിലോമീറ്ററുകള്‍ അകലെയുള്ള ബൂത്തുകളില്‍ ചെന്ന്‌ വീടുകളിലേക്ക്‌ ഫോണ്‍ ചെയ്യുന്നത്‌.
നാലു വര്‍ഷം മുമ്‌ബാണ്‌ പവിത്രന്‍ സേനയില്‍ ചേര്‍ന്നത്‌. മൂന്നു മാസം മുമ്‌ബാണ്‌ പവിത്രന്‍ അവധിക്ക്‌ വന്നുപോയത്‌. അടുത്ത ഫെബ്രുവരിയില്‍ നാട്ടില്‍ വരാനുള്ള തയ്യാറെടുപ്പിലായിരുന്നു പവിത്രന്‍. ഭൗതിക ശരീരം നടപടി ക്രമങ്ങള്‍ക്ക്‌ ശേഷം വിമാനമാര്‍ഗം നാട്ടിലെത്തിക്കും
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala