ഉന്നാവോ: പ്രതികളെ എത്രയും പെട്ടന്ന്‌ തൂക്കിലേറ്റണം: പെണ്‍കുട്ടിയുടെ ബന്ധുക്കള്‍
Published on 07 December, 2019
ഉന്നാവോയില്‍ ബലാത്സംഗത്തിനിരയായ പെണ്‍കുട്ടിയെ പ്രതികള്‍ തീകൊളുത്തി കൊലപ്പെടുത്തിയ സംഭവത്തില്‍ പൊലീസിനെതിരെ പെണ്‍കുട്ടിയുടെ ബന്ധുക്കള്‍. എത്രയും പെട്ടന്ന്‌ കുറ്റവാളികള്‍ക്ക്‌ വധശിക്ഷ നടപ്പിലാക്കണമെന്നും കേസ്‌ നീട്ടിക്കൊണ്ട്‌ പോകരുതെന്നും യുവതിയുടെ പിതാവ്‌ പറഞ്ഞു.
'എന്നെ രക്ഷിക്കൂ എന്ന്‌ പറഞ്ഞ്‌ സഹോദരി കരഞ്ഞു, പക്ഷെ എനിക്ക്‌ രക്ഷിക്കാനായില്ല. അവളുടെ ഒരേയൊരു ആവശ്യം ആ അഞ്ച്‌ പ്രതികള്‍ക്കും വധശിക്ഷ നല്‍കണം എന്ന്‌ മാത്രമാണ്,' കൊല്ലപ്പെട്ട യുവതിയുടെ സഹോദരന്‍ പറഞ്ഞു.
ഉന്നാവോയില്‍ ബലാല്‍സംഗത്തിനിരയായ പെണ്‍കുട്ടി കേസ്‌ നല്‍കിയതിന്റെ വൈരാഗ്യത്തിലാണ്‌ പ്രതികള്‍ മണ്ണെണ്ണയൊഴിച്ച്‌ തീ കൊളുത്തിയത്‌. ഇന്നലെ രാത്രി 11. 40 ഓടെയായിരുന്നു യുവതിയുടെ മരണം. കേസില്‍ യുവതിയെ പീഡിപ്പിച്ചവര്‍ അടക്കം അഞ്ചുപേരെ പൊലീസ്‌ അറസ്റ്റു ചെയ്‌തിട്ടുണ്ട്‌.
ബലാത്സംഗക്കേസുമായി ബന്ധപ്പെട്ട വിചാരണയ്‌ക്കായി റായ്‌ബറേലിയിലെ കോടതിയിലേക്കു പോകുന്നവഴിയാണ്‌ വീടിനടുത്തുവെച്ച്‌ അഞ്ചംഗസംഘം 23 കാരിയായ യുവതിയെ ആക്രമിച്ചു തീകൊളുത്തിയത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala