Image

ഫാത്തിമ ലത്തീഫ് വംശീയതയുടെ ഇര: സെക്രട്ടേറിയറ്റിന് മുന്നില്‍ പ്രതിഷേധവുമായി വിമന്‍ ഇന്ത്യ മൂവ്‌മെന്റ്

Published on 21 November, 2019
ഫാത്തിമ ലത്തീഫ് വംശീയതയുടെ ഇര: സെക്രട്ടേറിയറ്റിന് മുന്നില്‍ പ്രതിഷേധവുമായി വിമന്‍ ഇന്ത്യ മൂവ്‌മെന്റ്

തിരുവനന്തപുരം: ചെന്നൈ ഐഐടി വിദ്യാര്‍ഥിനി ഫാത്തിമാ ലത്തീഫിന്റെ ആത്മഹത്യയില്‍ നീതി തേടി സെക്രട്ടേറിയറ്റിന് മുന്നില്‍ വിമന്‍ ഇന്ത്യ മൂവ്‌മെന്റ് തിരുവനന്തപുരം ജില്ലാ കമ്മിറ്റിയുടെ നേത്യത്വത്തില്‍ പ്രതിഷേധ ധര്‍ണ നടത്തി. ഫാത്തിമ ലത്തീഫ് വംശീയതയുടെ ഇര എന്ന പ്രമേയത്തില്‍ വിമന്‍ ഇന്ത്യ മൂവ്‌മെന്റ് സംസ്ഥാന വ്യാപകമായി നടത്തുന്ന പ്രക്ഷോഭത്തിന്റെ ഭാഗമായാണ് പ്രതിഷേധം സംഘടിപ്പിച്ചത്.


എസ്ഡിപിഐ തിരുവനന്തപുരം ജില്ലാ ട്രഷറര്‍ ജലീല്‍ കരമന ധര്‍ണ ഉദ്ഘാടനം ചെയ്തു. ഫാത്തിമയുടെ കുടുംബത്തിന് നീതി ലഭിക്കണമെന്നും മരണപ്പെടാന്‍ കാരണക്കാരനായ അധ്യാപകന്‍ സുദര്‍ശനെ അറസ്റ്റ് ചെയ്യണമെന്നും അദ്ദേഹം ആവശ്യപ്പെട്ടു. വിമന്‍ ഇന്ത്യ മൂവ്‌മെന്റ് ജില്ലാ നേതാക്കളായ സുമയ്യ റഹീം, സബീന ലുഖ്‌മാന്‍, ഷീജ സലീം, റജീന നയാസ്, ഷംല എന്നിവര്‍ നേതൃത്വം നല്‍കി.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക