കൊച്ചി: ഇരുചക്ര വാഹനമോടിക്കുന്നവര്ക്കും പിന്നിലിരിക്കുന്നവര്ക്കും എത്രയും വേഗം ഹെല്മെറ്റ് നിര്ബന്ധമാക്കണമെന്ന് ഹൈകോടതി. നാലു വയസിനു മുകളിലുള്ള എല്ലാവര്ക്കും ഹെല്മെറ്റ് നിര്ബന്ധമാണെന്നാണ് വ്യവസ്ഥ.
കേന്ദ്ര നിയമത്തിന് അനുസൃതമായ പുതിയ സര്ക്കുലര് തയാറാക്കുകയാണെന്നും ഉടന് വിജ്ഞാപനം പുറപ്പെടുവിക്കുമെന്നുംസര്ക്കാര് അറിയിച്ചു. ഇത് മാധ്യമങ്ങളിലും സിനിമാ തിയേറ്ററുകളിലും പരസ്യപ്പെടുത്തണമെന്ന് കോടതി നിര്ദേശിച്ചു.
ഇരുചക്രവാഹനങ്ങളില് സഞ്ചരിക്കുന്ന നാലു വയസിന് മുകളിലുള്ള എല്ലാവര്ക്കും ഹെല്മെറ്റ് നിര്ബന്ധമാണെന്ന കേന്ദ്ര മോട്ടോര് വാഹന നിയമത്തിലെ പുതിയ ഭേദഗതി ആഗസ്റ്റ് ഒമ്ബത് മുതല് പ്രാബല്യത്തിലുണ്ടെന്ന് ചൂണ്ടിക്കാട്ടിയാണ് ചീഫ് ജസ്റ്റിസ് അധ്യക്ഷനായ ബെഞ്ച് ഇക്കാര്യം വ്യക്തമാക്കിയത്.