ബ്രിട്ടണില് പ്രചാരണത്തില് മുന്നിലെത്തിയ മലയാളം ഓണ്ലൈന് പത്രമായ മലയാളം യു.കെ. ന്യൂസ് നല്കുന്ന ഔട്ട്സ്റ്റാന്ഡിംഗ് ബയോഗ്രാഫി അവാര്ഡിന് ഉഴവൂര് കോളേജ് മുന് പ്രിന്സിപ്പല് ബാബു തോമസ് പൂഴിക്കുന്നേല് രചിച്ച സഫലം സൗഹൃദം സഞ്ചാരം എന്ന ആത്മകഥ അര്ഹമായി.
ഇരുപത്തിയയ്യായിരം രൂപയും ഫലകവുമാണ് അവാര്ഡ്. നവംബര് ആദ്യവാരം കോട്ടയത്ത് നടക്കുന്ന അന്താരാഷ്ട്ര പുസ്തകമേളയില് അവാര്ഡ് നല്കും. മലയാളം യു.കെ. ന്യൂസ് ചീഫ് എഡിറ്റര് ബിന്സു ജോണാണ് അവാര്ഡ് പ്രഖ്യാപിച്ചത്. മലയാളം യു.കെ. ഡയറക്ടര് ബോര്ഡും നിയമോപദേശകസമിതിയുമടങ്ങുന്ന പാനലാണ് പ്രൊഫ. ബാബു പൂഴിക്കുന്നേല് എഴുതിയ സഫലം സൗഹൃദം സഞ്ചാരം എന്ന ആത്മകഥ അവാര്ഡിനായി തെരഞ്ഞെടുത്തത്. കോട്ടയം വര ആര്ട്ട് ഗാലറിയാണ് പുസ്തകം പ്രസിദ്ധീകരിച്ചത്.
ഉഴവൂര് സെന്റ് സ്റ്റീഫന്സ് കോളേജ് പ്രിന്സിപ്പല്, മലയാളം വകുപ്പ് മേധാവി, കോട്ടയം ബി.സി.എം. കോളേജ് മലയാളം വകുപ്പ് മേധാവി എന്നീ നിലകളില് 34 വര്ഷത്തെ അദ്ധ്യാപകജീവിതം. എം.ജി. യൂണിവേഴ്സിറ്റി ബോര്ഡ് ഓഫ് സ്റ്റഡീസ് അംഗം, കൂടാതെ കോട്ടയം അതിരൂപത പി.ആര്.ഒ., അപ്നാദേശ് പത്രാധിപസമിതിയംഗം, കേരളാ എക്സ്പ്രസ് (ചിക്കാഗോ) കണ്സള്ട്ടന്റ് എഡിറ്റര്, പ്രഭാഷകന്, എഴുത്തുകാരന് എന്നീ നിലകളില് പ്രശസ്തന്. ഇരുപതോളം രാജ്യങ്ങളില് സഞ്ചാരം നടത്തിയിട്ടുണ്ട്. സഫലം സൗഹൃദം സഞ്ചാരം, കല്യാണപ്പാട്ടുകള്, വഴക്കവും പൊരുളും എന്നീ ഗ്രന്ഥങ്ങളും പ്രസിദ്ധീകരിച്ചിട്ടുണ്ട്. കോട്ടയം സ്വദേശിയാണ്. പ്രൊഫ. വത്സാബാബുവാണ്. ഭാര്യ. ഡോ. ആതിര ബാബു, അനഘ ബാബു എന്നിവര് മക്കളാണ്.