ചാറ്റിംഗ്: ഭര്ത്താവിനെ കുടുക്കിയ ഭാര്യയ്ക്ക് വിവാഹമോചനം അനുവദിച്ചു
Published on 22 October, 2019
അബുദാബി: സമൂഹമാധ്യമങ്ങളില് പരസ്ത്രീകളുമായി സല്ലപിക്കുന്ന ഭര്ത്താവിനെ വ്യാജ അക്കൗണ്ടുണ്ടാക്കി ചാറ്റ് ചെയ്ത് യുവതി കുടുക്കി. ഭാര്യയാണെന്നറിയാതെ യുവതിയോടു ചാറ്റ് ചെയ്യുകയും ഒരുമിച്ചു തങ്ങാന് ക്ഷണിക്കുകയും ചെയ്ത യുവാവാണു കുടുങ്ങിയത്.
ചാറ്റിന്റെ വിശദാംശങ്ങളുമായി കുടുംബകോടതിയെ സമീപിച്ച യുവതിക്കു വിവാഹമോചനം അനുവദിച്ചു. സ്ത്രീക്കു വീടുവച്ചുകൊടുക്കാനും പ്രതിമാസ ചെലവിനുള്ള തുക നല്കാനും കോടതി ഉത്തരവിട്ടിട്ടുണ്ട്.
അറബ് യുവതിയാണു മുള്ളിനെ മുള്ളുകൊണ്ടുതന്നെ നേരിട്ടത്. 2 വര്ഷംമുന്പ് വിവാഹിതരായ ഇവര്ക്ക് 6 മാസം പ്രായമായ ആണ്കുട്ടിയുമുണ്ട്.
ഭര്ത്താവിനെ പരസ്ത്രീകളോടൊപ്പം കണ്ടതായി സുഹൃത്ത് അറിയിച്ചതനുസരിച്ച് ഫോണ് ചെയ്തു ചോദിച്ചപ്പോള് ജോലിയിലാണെന്നായിരുന്നു ഇയാളുടെ മറുപടി. മണിക്കൂറുകളോളം സമൂഹമാധ്യമത്തില് ചെലവഴിക്കുന്നതും ചില ദിവസങ്ങളില് വീട്ടിലേക്ക് വരാത്തതും പതിവാകുക കൂടി ചെയ്തതോടെ യുവതി 'അന്വേഷണം' തുടങ്ങുകയായിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല