തിരുവനന്തപുരം: വടക്ക് കിഴക്കന് കാലവര്ഷം ശക്തമാകുന്ന പശ്ചാത്തലത്തില് സംസ്ഥാനത്തെ വിവിധ നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ ജില്ലാ കളക്ടര്മാര് അവധി പ്രഖ്യാപിച്ചു. തിരുവനന്തപുരം, എറണാകുളം, തൃശ്ശൂര്, ആലപ്പുഴ എന്നീ ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി.
ശക്തമായ മഴ തുടരുമെന്നും കാലാവസ്ഥാ വകുപ്പ് റെഡ് അലര്ട്ട് പ്രഖ്യാപിച്ചതും കണക്കിലെടുത്താണ് ജില്ലാ കളക്ടര്മാര് അവധി പ്രഖ്യാപിച്ചിരിക്കുന്നത്.
പ്രൊഫഷണല് കോളേജുകള് ഉള്പ്പെടെ മുഴുവന് വിദ്യാഭ്യാസ സ്ഥാപനങ്ങള്ക്കും കേന്ദ്രീയ വിദ്യാലയങ്ങള്ക്കും അവധി ആയിരിക്കും. കുട്ടികള്ക്കുള്ള പോഷകാഹാര വിതരണം ഉള്പ്പെടെയുള്ള പ്രവര്ത്തനങ്ങള്ക്കായി അംഗനവാടികള് തുറന്നുപ്രവര്ത്തിക്കും.
അതേസമയം മുന് നിശ്ചയിച്ച പ്രകാരമുള്ള യൂണിവേഴ്സിറ്റി പരീക്ഷകള്ക്ക് അവധി ബാധകമല്ലെന്ന് തിരുവനന്തപുരം ജില്ലാ കളക്ടര് അറിയിച്ചു. അവധി മൂലം നഷ്ടപ്പെടുന്ന അധ്യയന ദിനങ്ങള് പിന്നീട് പുനഃക്രമീകരിക്കും.