വീടിന്റെ പാല് കാച്ചല്‍ ദിനത്തില്‍ ഗൃഹനാഥനായ യുവാവിന്‌ ദാരുണ മരണം: മരണം അറിയാതെ ഭാര്യ പാല് കാച്ചി
Published on 16 September, 2019
ഹരിപ്പാട്‌: ഒരു വീടുണ്ടാക്കുക ദീര്‍ഘനാളത്തെ അജിയുടെ സ്വപ്‌നമായിരുന്നു. എന്നാല്‍ ആ വീടിന്റെ പാല്‍കാച്ചല്‍ ദിനത്തില്‍ അജിയെതേടിയെത്തിയത്‌ മരണമായിരുന്നു.
വീടിന്റെ വാസ്‌തുബലി ദിവസം ക്ഷേത്രദര്‍ശനം കഴിഞ്ഞ്‌ മടങ്ങിയ ഗൃഹനാഥന്‍ തോട്ടില്‍ വീണ്‌ മരിച്ചു. ദുരന്ത വിവരം മറച്ചുവച്ച്‌ വിതുമ്പലടക്കിനിന്ന ബന്ധുക്കളുടെ സാന്നിദ്ധ്യത്തില്‍ സ്വപ്‌നവീടിന്‌ ഗൃഹനാഥ പാലുകാച്ചി.
മഹാദേവികാട്‌ മുക്കേല്‍ മുരളിയുടെ മകന്‍ അജി (കുട്ടന്‍- 31) ആണ്‌ ദുരന്തനായകനായത്‌. ഇന്നലെയായിരുന്നു പാലുകാച്ചല്‍ നിശ്ചയിച്ചിരുന്നത്‌. രാവിലെ 6.30 ഓടെ ക്ഷേത്രദര്‍ശനം കഴിഞ്ഞ്‌ സൈക്കിളില്‍ വരുന്നതിനിടെ വീടിന്‌ സമീപത്തെ തോട്ടില്‍ വീഴുകയായിരുന്നുവെന്ന്‌ സംശയിക്കുന്നു.
മഹാദേവികാട്‌ മുക്കേല്‍ മുരളിയുടെ മകന്‍ അജി (കുട്ടന്‍- 31) ആണ്‌ ദുരന്തനായകനായത്‌. ഇന്നലെയായിരുന്നു പാലുകാച്ചല്‍ നിശ്ചയിച്ചിരുന്നത്‌. രാവിലെ 6.30 ഓടെ ക്ഷേത്രദര്‍ശനം കഴിഞ്ഞ്‌ സൈക്കിളില്‍ വരുന്നതിനിടെ വീടിന്‌ സമീപത്തെ തോട്ടില്‍ വീഴുകയായിരുന്നുവെന്ന്‌ സംശയിക്കുന്നു.
തോട്ടില്‍ സൈക്കിള്‍ കിടക്കുന്നതു കൊണ്ട്‌ കണ്ട സ്‌ത്രീകള്‍ വിവരം പറഞ്ഞതിനെത്തുടര്‍ന്ന്‌ പ്രദേശവാസികള്‍ സൈക്കിള്‍ ഉയര്‍ത്തിയപ്പോഴാണ്‌ അജിയെ അബോധാവസ്ഥയില്‍ കണ്ടത്‌.
ഉടന്‍ തന്നെ ഹരിപ്പാട്‌ താലൂക്ക്‌ ആശുപത്രിയിലും തുടര്‍ന്ന്‌ ആലപ്പുഴ മെഡിക്കല്‍ കോളേജ്‌ ആശുപത്രിയിലും എത്തിച്ചെങ്കിലും വൈകിട്ട്‌ 4.30 ഓടെ മരിച്ചു.
പാലുകാച്ചല്‍ മുഹൂര്‍ത്തമായിട്ടും അജിയെ കാണാതിരുന്നതിനാല്‍ ഭാര്യ സുബിത ഇക്കാര്യം അന്വേഷിക്കുന്നുണ്ടായിരുന്നു. മുഹൂര്‍ത്തം തെറ്റിക്കേണ്ടെന്നു പറഞ്ഞ്‌ ബന്ധുക്കള്‍ നിര്‍ബന്ധിച്ചതിനാലാണ്‌ സുബിത ചടങ്ങിന്‌ തയ്യാറായത്‌.
പാലുകാച്ചല്‍ മുഹൂര്‍ത്തമായിട്ടും അജിയെ കാണാതിരുന്നതിനാല്‍ ഭാര്യ സുബിത ഇക്കാര്യം അന്വേഷിക്കുന്നുണ്ടായിരുന്നു. മുഹൂര്‍ത്തം തെറ്റിക്കേണ്ടെന്നു പറഞ്ഞ്‌ ബന്ധുക്കള്‍ നിര്‍ബന്ധിച്ചതിനാലാണ്‌ സുബിത ചടങ്ങിന്‌ തയ്യാറായത്‌.
ഇതിനു ശേഷമാണ്‌ അജിക്ക്‌ ചെറിയൊരു അപകടം പറ്റിയെന്നു മാത്രം ബന്ധുക്കള്‍ അറിയിച്ചത്‌. രാത്രി വൈകിയാണ്‌ സുബിത മരണവിവരം അറിഞ്ഞത്‌
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala