ന്യൂഡല്ഹി: മരടിലെ ഫ്ളാറ്റുകള് പൊളിക്കാനുള്ള വിധിക്കെതിരെ ഫ്ളാറ്റ് ഉടമകള് നല്കിയ തിരുത്തല് ഹര്ജി സുപ്രീംകോടതി ഫയലില് സ്വീകരിച്ചു.
ഈ മാസം 20-നകം ഫ്ളാറ്റുകള് പൊളിച്ചു നീക്കി കോടതിയ്ക്ക് സംസ്ഥാന സര്ക്കാര് റിപ്പോര്ട്ട് നല്കണമെന്ന വിധി നിലനില്ക്കെയാണ് ഈ ഹര്ജി ഫയലില് സ്വീകരിച്ചത്.
പൊളിയ്ക്കാന് ഉത്തരവിട്ടിരിയ്ക്കുന്ന ഫ്ലാറ്റ് സമുച്ചയത്തിലൊന്നായ ഗോള്ഡന് കായലോരത്തിലെ റെസിഡന്റ് അസോസിയേഷന് നല്കിയ ഹര്ജിയാണ് ഫയലില് സ്വീകരിച്ചത്. ഫ്ളാറ്റ് പൊളിക്കണമെന്നാവശ്യപ്പെട്ടുള്ള കോടതി ഉത്തരവില് ഗുരുതരമായ പിഴവുകളുണ്ടെന്നു ഹര്ജിയില് പറയുന്നു.
സുപ്രീംകോടതി നിര്ദേശിച്ച മൂന്നംഗ സമിതിക്ക് തദ്ദേശ സ്വയംഭരണ സെക്രട്ടറിക്ക് പകരം സ്പെഷ്യല് സെക്രട്ടറിയാണ് രൂപം നല്കിയത്.