Image

100 ഫ്രാങ്കിന്റെ സ്വിസ് കറന്‍സി നോട്ട് പുറത്തിറക്കി

Published on 07 September, 2019
100 ഫ്രാങ്കിന്റെ സ്വിസ് കറന്‍സി നോട്ട് പുറത്തിറക്കി


ബേണ്‍: സ്വിസ് നാഷണല്‍ ബാങ്ക് 100 ഫ്രാങ്കിന്റെ പുതിയ കറന്‍സി നോട്ടുകള്‍ പുറത്തിറക്കി. സ്വിസ് ബില്ലുകളിലെ ഒന്പതാം സീരീസില്‍പ്പെട്ട അവസാനത്തെ നോട്ടാണ് നൂറിന്റേത്. ലോകത്തു തന്നെ ഏറ്റവും മൂല്യമുള്ള നോട്ടുകളിലൊന്നായ ആയിരം ഫ്രാങ്ക് നോട്ട് മാര്‍ച്ചില്‍ പുറത്തിറക്കിയിരുന്നു.

സീരീസിലെ മറ്റു നോട്ടുകളെന്ന പോലെ നീല തീം കളറാണ് നൂറിന്റെ നോട്ടിലും ഉപയോഗിച്ചിരിക്കുന്നത്. രാജ്യത്തിന്റെ മാനുഷിക മുഖമാണ് ഈ നോട്ടിലെ പ്രമേയം.

പഴയ നോട്ടിനേക്കാള്‍ ചെറുതും വ്യാജ നോട്ട് നിര്‍മിക്കുന്നതു തടയാന്‍ 15 വ്യത്യസ്ത സുരക്ഷാ സംവിധാനങ്ങളും ഇതില്‍ ഉള്‍ക്കൊള്ളിച്ചിരിക്കുന്നു.

ഓസ്‌കര്‍ നാമനിര്‍ദേശത്തിനും ചാംപ്യന്‍സ് ലീഗ് ഡ്രോയ്ക്കും മറ്റും ലഭിക്കുന്ന മാധ്യമ ശ്രദ്ധയാണ് നൂറിന്റെ നോട്ട് പുറത്തിറക്കുന്ന ചടങ്ങിന് സ്വിറ്റ്‌സര്‍ലന്‍ഡില്‍ ലഭിച്ചത്. ലോകം ഡിജിറ്റല്‍ സന്പദ് വ്യവസ്ഥയിലേക്ക് അതിവേഗം മാറിക്കൊണ്ടിരിക്കുന്‌പോഴും കറന്‍സി നോട്ടുകള്‍ ഉപയോഗിക്കാന്‍ ഇഷ്ടപ്പെടുന്ന സ്വിസ് രീതി ഇതിനൊരു കാരണമാണ്.

റിപ്പോര്‍ട്ട്: ജോസ് കുന്പിളുവേലില്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക