ന്യൂയോര്‍ക്ക്: സ്റ്റാറ്റന്‍ ഐലന്റ് മലയാളി അസോസിയേഷന്റെ ആഭിമുഖ്യത്തില്‍ 'പൊന്നോണം 2019' സെപ്റ്റംബര്‍ 1-ാം തീയതി ഞായറാഴ്ച വൈവിധ്യമാര്‍ന്ന കലാപരിപാടികളോടെ നടത്തപ്പെടുന്നു. സെന്റ് ജോര്‍ജ് ഓര്‍ത്തഡോക്‌സ് ദേവാലയ ഓഡിറ്റോറിയത്തില്‍ ഉച്ചക്ക് 12 മണിക്ക് വിഭവസമൃദ്ധമായ തിരുവോണ സദ്യയോടെ ആഘോഷപരിപാടികള്‍ക്ക് തുടക്കം കുറിക്കും. പ്രമുഖ കലാ സംവിധായകനും അണിയറ ശില്‍പ്പിയുമായ ശ്രീ.തിരുവല്ല ബേബി സംവിധാനവും ശ്രീ. ഫ്രെഡ് കൊച്ചിന്‍ കോര്‍ഡിനേഷനും നിര്‍വ്വഹിക്കുന്ന നൃത്തസംഗീത ചരിത്ര നാടകം 'മഹാബലി' അവതരിപ്പിക്കും. മലയാളി അസോസിയേഷന്‍ പ്രവര്‍ത്തകരും അംഗങ്ങളും കഥാപാത്രങ്ങളായി വേഷമിടുന്നു.

ക്യാപ്റ്റന്‍ രാജുഫിലിപ്പ് ആണ് ഈ വര്‍ഷത്തെ ഓണാഘോഷങ്ങളുടെ കോര്‍ഡിനേറ്റര്‍. ശ്രീ.തോമസ് തോമസ് പാലത്തറ(പ്രസിഡന്റ്), ശ്രീ. ഫ്രെഡ് കൊച്ചിന്‍(വൈസ് പ്രസിഡന്റ്), ശ്രീമതി. റീനാ സാബു(സെക്രട്ടറി), ശ്രീ.റജി വര്‍ഗീസ്(ട്രഷറര്‍), ശ്രീമതി. ഏലിയാമ്മ മാത്യു(ജോയിന്റ് സെക്രട്ടറി) എന്നീ എക്‌സിക്യൂട്ടീവ് അംഗങ്ങളുടെ നേതൃത്വത്തില്‍ 25 അംഗ കമ്മിറ്റി പൊന്നോണം 2019 അവിസ്മരണീയമാക്കുവാന്‍ പ്രവര്‍ത്തിച്ചുവരുന്നു.

വര്‍ണ്ണശബളമായ തിരുവോണാഘോഷ പരിപാടിയിലേക്ക് ഏവരേയും ഹൃദയപൂര്‍വ്വം സ്വാഗതം ചെയ്യുന്നതായി ശ്രീ.തോമസ് തോമസ് പാലത്തറ, ശ്രീമതി റീനാ സാബു, ശ്രീ.റജി വര്‍ഗീസ്, ക്യാപ്റ്റന്‍ രാജു ഫിലിപ്പ് എന്നിവര്‍ അറിയിച്ചു. കൂടുതല്‍ വിവരങ്ങള്‍ക്ക്.

4.രാജു ഫിലിപ്പ്-917-854-3818

Date: Sunday, September 1st @ 12 noon.