Image

ബാലഭാസ്‌കറിന്‍െറ മരണം: ഫോണ്‍ രേഖകള്‍ പരിശോധിക്കണമെന്ന്‌ ബന്ധുക്കള്‍

Published on 25 August, 2019
ബാലഭാസ്‌കറിന്‍െറ മരണം: ഫോണ്‍ രേഖകള്‍ പരിശോധിക്കണമെന്ന്‌ ബന്ധുക്കള്‍
തിരുവനന്തപുരം: വയലിനിസ്‌റ്റും സംഗീത സംവിധായകനുമായിരുന്ന ബാലഭാസ്‌കറിന്‍െറ അപകട മരണത്തില്‍ വിശദമായ അന്വേഷണം വേണമെന്ന്‌ ബന്ധുക്കള്‍ ആവശ്യപ്പെട്ടു. 

ബാലഭാസ്‌കറിന്‍െറ ഫോണ്‍ രേഖകള്‍ പരിശോധിക്കണം. ഡ്രൈവര്‍ അര്‍ജുന്‍ മൊഴി മാറ്റിയതില്‍ സംശയമുണ്ട്‌. സ്വര്‍ണ കടത്തു കേസിലെ പ്രതികള്‍ ഉള്‍പ്പെട്ടിട്ടും ആ ദിശയില്‍ അ?േന്വഷണം നടക്കാത്തത്‌ എന്തുകൊണ്ടാണെന്നും ബാലഭാസ്‌കറിന്‍െറ ബന്ധു പ്രിയ വേണുഗോപാല്‍ ചോദിച്ചു.

കേസിലെ പ്രധാന തെളിവുകള്‍ നഷ്‌ടപ്പെട്ടേക്കാം. ബാലഭാസ്‌കറിന്‍െറ ഫോണ്‍ കോളുകള്‍ കേന്ദ്രീകരിച്ച്‌ വിശദമായ അ?േന്വഷണം വേണം. 

സംഭവത്തില്‍ മൊഴി നല്‍കിയവരുടേതുള്‍പ്പെടെ എല്ലാവരുടേയും ഫോണ്‍ വിശദാംശങ്ങള്‍ പരിശോധിക്കണം.

 കേസന്വേഷണം വലിച്ചു നീട്ടിയത്‌ പ്രധാന തെളിവുകള്‍ നഷ്‌ടപ്പെട?ുത്താന്‍ വേണ്ടിയാണോ എന്നു?ം പ്രിയ ?േവണുഗോപാല്‍ ചോദിക്കുന്നു. ക്രൈംബ്രാഞ്ചിന്‍െറ അന്വേഷണം തൃപ്‌തികരമല്ലെന്നും അവര്‍ പറഞ്ഞു.

കഴിഞ്ഞ വര്‍ഷം സെപ്‌തംബര്‍ 25ന്‌നടന്ന വാഹനാപകടത്തെ തുടര്‍ന്നാണ്‌ ബാലഭാസ്‌കറും രണ്ട്‌വയസുകാരി മകള്‍ തേജസ്വിനി ബാലയും മരിച്ചത്‌. 

മകള്‍ സംഭവസ്ഥലത്ത്‌ തന്നെ മരിച്ചിരുന്നു. അപകടത്തില്‍ ഗുരുതരമായി പരിക്കേറ്റ ബാലഭാസ്‌കര്‍ ഒക്‌ടോബര്‍ രണ്ടിന്‌ ആശുപത്രിയില്‍ വെച്ചാണ്‌ മരണത്തിന്‌ കീഴടങ്ങിയത്‌. അപകടത്തില്‍ ഭാര്യ ലക്ഷ്‌മിക്കും ഡ്രൈവര്‍ അര്‍ജ്ജുനിനും ഗുരുതരമായി പരിക്കേറ്റിരുന്നു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക