പറവൂരില്‍ 500 വീടുകള്‍ നാളെ കൈമാറും; താക്കോല്‍ദാനം മുഖ്യമന്ത്രി നിര്‍വഹിക്കും
Published on 24 August, 2019
പറവൂര്‍ : വടക്കേക്കര പഞ്ചായത്തില്‍ റീബില്‍ഡ്‌ കേരള, ലൈഫ്‌ പദ്ധതിയില്‍ പൂര്‍ത്തീകരിച്ച 500 വീടുകളുടെ താക്കോല്‍ദാനപരിപാടി 'സമര്‍പ്പണം 2019' ഞായറാഴ്‌ച പകല്‍ 2.30ന്‌ മൂത്തകുന്നം ക്ഷേത്രമൈതാനിയില്‍ മുഖ്യമന്ത്രി പിണറായി വിജയന്‍ ഉദ്‌ഘാടനം ചെയ്യും.
പഞ്ചായത്ത്‌ ഐഎസ്‌ഒ സര്‍ട്ടിഫിക്കേഷന്‍ പ്രഖ്യാപനം ഹൈബി
ഈഡന്‍ എംപി നിര്‍വഹിക്കും. കുടുംബശ്രീ അംഗങ്ങളായ പ്രളയബാധിതര്‍ക്ക്‌ ആര്‍കെഎല്‍എസ്‌
പദ്ധതിയിലൂടെ 42 കോടി രൂപ വിതരണം ചെയ്‌ത്‌ ജില്ലയില്‍ ഒന്നാമതെത്തിയ കുടുംബശ്രീ
സിഡിഎസിനെ കലക്ടര്‍ എസ്‌ സുഹാസും ആര്‍കെഎല്‍എസ്‌ പദ്ധതിക്കായി പണം അനുവദിച്ച
ബാങ്കുകളെ എസ്‌ ശര്‍മ എംഎല്‍എയും ആദരിക്കും.
പദ്ധതിയുടെ ഭാഗമായി 555 വീടുകളാണ്‌ പഞ്ചായത്തിലാകെ അനുവദിച്ചത്‌. 2018-19ലെ പദ്ധതിനിര്‍വഹണത്തില്‍ 3.41 കോടി രൂപ ചെലവ്‌ ചെയ്‌ത്‌ ജില്ലയില്‍ മുന്നിലെത്തിയ പഞ്ചായത്തില്‍ ജനക്ഷേമകരമായ വികസനപ്രവര്‍ത്തനങ്ങളാണ്‌ പൂര്‍ത്തിയാകുന്നതെന്ന്‌ വാര്‍ത്താസമ്മേളനത്തില്‍ പങ്കെടുത്ത പ്രസിഡന്റ്‌ കെ എം അംബ്രോസ്‌, വൈസ്‌ പ്രസിഡന്റ്‌ കെ യു ജിഷ, സ്ഥിരംസമിതി ചെയര്‍പേഴ്‌സണ്‍മാരായ മേഴ്‌സി സനല്‍കുമാര്‍, പി വിജയകുമാരി എന്നിവര്‍ പറഞ്ഞു.
പദ്ധതിയുടെ ഭാഗമായി 555 വീടുകളാണ്‌ പഞ്ചായത്തിലാകെ അനുവദിച്ചത്‌. 2018-19ലെ പദ്ധതിനിര്‍വഹണത്തില്‍ 3.41 കോടി രൂപ ചെലവ്‌ ചെയ്‌ത്‌ ജില്ലയില്‍ മുന്നിലെത്തിയ പഞ്ചായത്തില്‍ ജനക്ഷേമകരമായ വികസനപ്രവര്‍ത്തനങ്ങളാണ്‌ പൂര്‍ത്തിയാകുന്നതെന്ന്‌ വാര്‍ത്താസമ്മേളനത്തില്‍ പങ്കെടുത്ത പ്രസിഡന്റ്‌ കെ എം അംബ്രോസ്‌, വൈസ്‌ പ്രസിഡന്റ്‌ കെ യു ജിഷ, സ്ഥിരംസമിതി ചെയര്‍പേഴ്‌സണ്‍മാരായ മേഴ്‌സി സനല്‍കുമാര്‍, പി വിജയകുമാരി എന്നിവര്‍ പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala