വല്യവീട്ടില്‍ പാലത്തിന് സമീപത്തെ സ്റ്റോപ്പില്‍ നിന്നുമാണ് ഇരുവരും ബസില്‍ കയറിയത്. ഇരുമ്ബുകുഴി കവലയിലെ വളവ് തിരിഞ്ഞപ്പോള്‍ അമ്മയും കുഞ്ഞും ഡോറിലൂടെ പുറത്തേക്ക് തെറിക്കുകയായിരുന്നു. വീഴ്ചയില്‍ മേരിക്ക് തലയ്ക്ക് ഗുരുതരമായി പരിക്കേറ്റിരുന്നു. കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.മേരിയുടെ മകള്‍ ആഗ്നസ് റോഡിലുണ്ടായിരുന്ന ബൈക്കിലാണ് വീണത്. ഇത് പരിക്കിന്റെ തീവ്രത കുറച്ചു. സംഭവത്തില്‍ ബസ് ഡ്രൈവര്‍ക്കെതിരെ പോലീസ് കേസെടുത്തു.