യുക്മ കേരളപൂരം വള്ളംകളിക്ക് അഴകേകാന്‍ മെഗാതിരുവാതിര

EUROPE 12-Aug-2019

ലണ്ടന്‍: യുക്മ സംഘടിപ്പിക്കുന്ന മൂന്നാമത് വള്ളംകളിക്ക് മോഡി കൂട്ടാന്‍ ഇത്തവണ മുന്നൂറ് വനിതകളെ ഉള്‍പ്പെടുത്തിക്കൊണ്ടുള്ള മെഗാതിരുവാതിരയാണ് സംഘാടകര്‍ വിഭാവനം ചെയ്യുന്നത്. യുക്മ ദേശീയ വൈസ് പ്രസിഡന്റ് ലിറ്റി ജിജോയുടെയും ജോയിന്റ് സെക്രട്ടറി സെലിന സജീവിന്റെയും നേതൃത്വത്തിലാണ് മെഗാ തിരുവാതിര അണിഞ്ഞൊരുങ്ങുന്നത്. മെഗാതിരുവാതിരയില്‍ പങ്കെടുക്കുവാന്‍ യുകെ മലയാളി സ്ത്രീകളില്‍ നിന്നും മികച്ച പ്രതികരണമാണ് ലഭിച്ചുകൊണ്ടിരിക്കുന്നത്.

ഓഗസ്റ്റ് 31 ന് ഷെഫീല്‍ഡില്‍ നടക്കുന്ന കേരളം പൂരം വള്ളംകളിയുടെ രജിസ്‌ട്രേഷന്‍ നടപടികള്‍ പൂര്‍ത്തിയായിക്കൊണ്ടിരിക്കുന്നു. ഇന്ത്യന്‍ ടൂറിസം വകുപ്പിന്റേയും കേരളാ ടൂറിസം വകുപ്പിന്റേയും സഹകരണത്തോടെ സംഘടിപ്പിക്കുന്ന 'യുക്മ കേരളപൂരം' വള്ളംകളി മഹോത്സവത്തില്‍ അരങ്ങുതകര്‍ക്കാന്‍ മെഗാതിരുവാതിരയുമായി രാജ്യത്തിന്റെ വിവിധ മേഖലകളില്‍നിന്നായി ഇക്കുറി നൂറുകണക്കിന് മലയാളി മങ്കമാരാണ് അണിചേരുന്നത്.

മെഗാതിരുവാതിരയില്‍ പങ്കെടുക്കുവാന്‍ താല്പര്യമുള്ള സ്ത്രീകളുടെ ഒരു വാട്‌സ്ആപ്പ് ഗ്രൂപ്പ് വളരെ സജീവമായി പ്രവര്‍ത്തിക്കുന്നുണ്ട്. പ്രത്യേകം കൊറിയോഗ്രാഫി ചെയ്ത തിരുവാതിര ചുവടുകളുടെ വീഡിയോ ദൃശ്യങ്ങളും ഉടയാടകളുടെ ഡിസൈനുകളും ഇതിനായി തയാറായിക്കഴിഞ്ഞു.

12 വയസിന് മുകളില്‍ പ്രായമുള്ളവര്‍ക്കാണ് മെഗാതിരുവാതിരയില്‍ പങ്കെടുക്കുവാന്‍ അവസരം ഉള്ളത്. യുക്മയുടെ എല്ലാ റീജിയണുകളിനിന്നും താല്പര്യമുള്ളവരെ കണ്ടെത്തുന്നതിനും ഏകോപിപ്പിക്കുന്നതിനുമായി താഴെ പറയുന്നവരെ ഉള്‍പ്പെടുത്തിക്കൊണ്ടുള്ള വിപുലമായ കോഓര്‍ഡിനേഷന്‍ കമ്മിറ്റി പ്രവര്‍ത്തിച്ചുവരുന്നു.

ഈസ്റ്റ് ആംഗ്ലിയ റീജിയണ്‍:

സോണിയ ലുബി (ഈസ്റ്റ് ലണ്ടന്‍ മലയാളി അസോസിയേഷന്‍)

ബീനാ രഘുനാഥന്‍ (എന്‍ഫീല്‍ഡ് മലയാളി അസോസിയേഷന്‍)

ആര്‍ച്ചാ അജിത്ത്, ലിബി ജോമി, ജോസ്‌ന എലിസബത്ത് (എഡ്മണ്ടന്‍ മലയാളി അസോസിയേഷന്‍)

സൗത്ത് ഈസ്റ്റ് റീജിയണ്‍:

സുജ ജോഷി (സഹൃദയ, കെന്റ്)

റിത്തു ഡെറിക് (വോക്കിംഗ് മലയാളി അസോസിയേഷന്‍)

അന്നമ്മ ജോസഫ് (ഡാര്‍ട്ട്‌ഫോര്‍ഡ് മലയാളി അസോസിയേഷന്‍)

സ്മിതാ പോള്‍ (ഡോര്‍സെറ്റ് കേരളാ കമ്യൂണിറ്റി)

നോര്‍ത്ത് വെസ്റ്റ് റീജിയണ്‍:

ആന്‍സി ജോയ് (എം.എം.സി.എ)

സോഫിയ ബിജു (സാല്‍ഫോര്‍ഡ് മലയാളി അസോസിയേഷന്‍)