911 മില്ലിമീറ്റര്‍ മഴയാണ്‌ ഈ മേഖലയില്‍ ലഭിച്ചതെന്നാണ്‌ കണക്കുകള്‍ വ്യക്തമാക്കുന്നത്‌. തമിഴ്‌നാട്ടിലെ 76 വര്‍ഷത്തെ മഴ ലഭ്യതയുടെ റെക്കോര്‍ഡാണ്‌ നീലഗിരി ജില്ലയിലെ അവലാഞ്ചെയില്‍ തകര്‍ന്നത്‌. പാലക്കാട്‌, മലപ്പുറം ജില്ലകളുടെ അതിര്‍ത്തിയോട്‌ ചേര്‍ന്നാണ്‌ ഈ സ്ഥലം.

ചാലിയാര്‍, കുന്തി പുഴ, ഭവാനി പുഴയുടെ വൃഷ്ടി പ്രദേശമാണ്‌ ഈ മേഖല. ഓഗസ്റ്റ്‌ നാലു മുതല്‍ കനത്ത മഴയാണ്‌ അവലാഞ്ചെയില്‍ ലഭിച്ചത്‌. ഈ ആഴ്‌ച മുഴുവന്‍ കനത്ത മഴ തുടരുമെന്നാണ്‌ കാലാവസ്ഥ നിരീക്ഷണം.