ന്യൂഡല്ഹി: വാഹനാപകടത്തില് പെട്ട് ചികിത്സയില് കഴിയുന്ന ഉന്നാവ് മാനഭംഗ കേസിലെ പെണ്കുട്ടിയുടെ നില ഗുരുതരമായി തുടരുന്നതായി ഡോക്ടര്മാര്. പെണ്കുട്ടി ചികിത്സയില് കഴിയുന്ന എയിംസ് ആശുപത്രി പുറത്തിറക്കിയ മെഡിക്കല് ബുള്ളറ്റിനിലാണ് ഇക്കാര്യം വ്യക്തമാക്കിയിട്ടുള്ളത്.
വെന്റിലേറ്ററിന്റെ സഹായത്തോടെയാണ് പെണ്കുട്ടി ജീവന് നിലനിര്ത്തുന്നതെന്നും രക്തസമ്മര്ദം ഉയര്ത്താന് കൂടുതല് വൈദ്യസഹായം വേണ്ടി വരുമെന്നും ബുള്ളറ്റിനില് വ്യക്തമാക്കുന്നു. വിദഗ്ധ ഡോക്ടര്മാരുടെ സംഘം കുട്ടിയെ നിരീക്ഷിക്കുന്നുണ്ടെന്നും ബുള്ളറ്റിനില് പറയുന്നു.
തിങ്കളാഴ്ച വൈകിട്ടാണ് കൂട്ടിയെ എയിംസ് ആശുപത്രിയിലേക്കു മാറ്റിയത്. സുപ്രീം കോടതി ഉത്തരവിനെ തുടര്ന്നായിരുന്നു നടപടി.