Image

മാപ്പ് വോളീബോള്‍ടൂര്‍ണമെന്റ്: റോക്ക് ലാന്‍ഡ് ടീം ജേതാക്കള്‍

രാജു ശങ്കരത്തില്‍, മാപ്പ് പി.ആര്‍.ഓ Published on 03 August, 2019
മാപ്പ് വോളീബോള്‍ടൂര്‍ണമെന്റ്: റോക്ക് ലാന്‍ഡ് ടീം ജേതാക്കള്‍
ഫിലാഡല്‍ഫിയ: മലയാളി അസോസിയേഷന്‍ ഓഫ് ഗ്രേറ്റര്‍ ഫിലാഡല്‍ഫിയായുടെ (മാപ്പ്) ആഭിമുഖ്യത്തില്‍ നടന്ന വോളീബോള്‍ ടൂര്‍ണമെന്റില്‍ ഗാലറിയില്‍ തിങ്ങിനിറഞ്ഞ കാണികളെ ആവേശത്തിന്റെയും ആകാംക്ഷയുടെയും മുള്‍മുനയില്‍ നിര്‍ത്തി റോക്ക് ലാന്‍ഡ് ടീംജേതാക്കളായി.

അവനീര്‍ സൊല്യൂഷന്‍ സ്‌പോണ്‍സര്‍ ചെയ്ത 1000 ഡോളര്‍ ക്യാഷ് പ്രൈസ് ആയിരുന്നു ഒന്നാം സമ്മാനം.

ദിലീപ് വര്‍ഗീസ് ന്യൂ ജേഴ്സി സ്‌പോണ്‍സര്‍ ചെയ്ത സെക്കന്റ് പ്രൈസായ 500 ഡോളര്‍ ഫിലാഡല്‍ഫിയായിലെ 'ഫിലിസ്റ്റാര്‍സ് എ' - ടീം കരസ്ഥമാക്കി.

ഫിലാഡല്‍ഫിയായിലുള്ള ജോര്‍ജ് വാഷിങ്ങ്ടണ്‍ ഹൈസ്‌കൂള്‍ ഇന്‍ഡോര്‍ സ്റ്റേഡിയത്തില്‍ ആയിരുന്നു മത്സരം. ബാള്‍ട്ടിമോര്‍ ടീം, ഫിലഡല്‍ഫിയായില്‍ നിന്നു ഫിലിസ്റ്റാര്‍സ് എ-ബി ടീമുകള്‍, വാഷിങ്ങ്ടണ്‍ ടീം, റോക്ക് ലാന്‍ഡ് ടീം, ഡെലവെയര്‍ ടീം എന്നിങ്ങനെ മൊത്തം 6 ടീമുകളാണ് വാശിയേറിയ ഈ മത്സരത്തില്‍ പങ്കെടുത്തത്.

മാപ്പ് മുന്‍ പ്രസിഡന്റ് അനു സ്‌കറിയായുടെ പ്രാര്‍ത്ഥനയ്ക്ക് ശേഷം മാപ്പ് സീനിയര്‍ മെമ്പറും, മാപ്പ് ഐസിസി ചുമതലക്കാരനുമായ ഫിലിപ്പ് ജോണാണ് ആദ്യ ഗോളടിച്ച് ടൂര്‍ണമെന്റ് ഉത്ഘാടനം നിര്‍വ്വഹിച്ചത്.

ബെസ്റ്റ് ഡിഫന്‍ഡര്‍, ബെസ്റ്റ് ഒഫന്‍ഡര്‍, മോസ്റ്റ് വാല്യൂബിള്‍ പ്ലെയര്‍ എന്നിവരെ ചടങ്ങില്‍ പ്രത്യേകം ആദരിച്ചു. മോസ്റ്റ് വാല്യൂബിള്‍ പ്ലെയറിനുള്ള സമ്മാനം സ്‌പോണ്‍സര്‍ ചെയ്തത് അലിയാര്‍ ഷെരീഫ് ആണ്. ഫോമാ വില്ലേജ് പദ്ധതി ചെയര്‍മാന്‍ അനിയന്‍ ജോര്‍ജ്ജ് ചടങ്ങില്‍ സംബന്ധിച്ചു.

സ്‌പോര്‍ട്ട്‌സ് ചെയര്‍മാന്‍ ശാലു പുന്നൂസിന്റെ നേതൃത്വത്തില്‍ ഇതാദ്യമായാണ് മാപ്പ് വോളീബോള്‍ ടൂര്‍ണമെന്റ് മത്സരം അരങ്ങേറുന്നത്. അലിയാര്‍ ഷെരീഫ്, സേവ്യര്‍ മൂഴിക്കാട്ട് എന്നിവരാണ് മത്സരത്തിനുള്ള നിര്‍ദ്ദേശങ്ങള്‍ നല്‍കിയത്.ശാലു പുന്നൂസിനോടൊപ്പം മാപ്പ് പ്രസിഡന്റ് ചെറിയാന്‍ കോശി, ജനറല്‍ സെക്രട്ടറി തോമസ് ചാണ്ടി, ട്രഷറാര്‍ശ്രീജിത്ത് കോമാത്ത്, ആര്‍ട്ട്‌സ് ചെയര്‍മാന്‍ ലിജോ ജോര്‍ജ്, ചാരിറ്റി ചെയര്‍മാന്‍ അനു സ്‌കറിയാ, വൈസ് പ്രസിഡന്റ് ഡാനിയേല്‍ പി. തോമസ്, ബെന്‍സണ്‍ വര്‍ഗീസ് പണിക്കര്‍,യോഹന്നാന്‍ ശങ്കരത്തില്‍, ജോണ്‍സണ്‍ മാത്യു, ബിനു ജോസഫ്, ജെയിംസ് പീറ്റര്‍, തോമസ്‌കുട്ടിവര്‍ഗീസ്, അലക്‌സ് അലക്സാണ്ടര്‍, ദീപു ചെറിയാന്‍, ജോണ്‍ ഫിലിപ്പ്,സന്തോഷ് ഫിലിപ്പ്,ഫിലിപ്പ്ജോണ്‍, സ്റ്റാന്‍ലി ജോണ്‍, ബിനു നായര്‍ എന്നിവരുംമറ്റ് കമ്മറ്റി അംഗങ്ങളുംപ്രോഗ്രാമിന്റെ വിജയത്തിനായി പ്രവര്‍ത്തിച്ചു.


മാപ്പ് വോളീബോള്‍ടൂര്‍ണമെന്റ്: റോക്ക് ലാന്‍ഡ് ടീം ജേതാക്കള്‍മാപ്പ് വോളീബോള്‍ടൂര്‍ണമെന്റ്: റോക്ക് ലാന്‍ഡ് ടീം ജേതാക്കള്‍മാപ്പ് വോളീബോള്‍ടൂര്‍ണമെന്റ്: റോക്ക് ലാന്‍ഡ് ടീം ജേതാക്കള്‍
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക