താരങ്ങളുടെ കണ്ണടകളോടും ആരാധകര്ക്ക് പ്രിയം കൂടി വരികയാണ്. കൂളിങ് ഗ്ലാസ് ചോദിച്ച ആരാധകന് അത് വീട്ടിലെത്തിച്ച് കൊടുത്ത് നടന് ഉണ്ണി മുകുന്ദന് കയ്യടി നേടിയിരുന്നു. വീണ്ടും അതേ തന്ത്രം പരീക്ഷിക്കപ്പെട്ടു. ടൊവീനോയോണ് ഒരാരാധകന് കൂളിങ് ഗ്ലാസ് തരുമോ എന്ന് ചോദിച്ചത്. അതിന് ടൊവീനോ നല്കിയ മറുപടിയാണ് ഇപ്പോള് സോഷ്യല് മീഡിയയില് ശ്രദ്ധ നേടുന്നത്.
ടൊവീനോ ഇന്സ്റ്റഗ്രാമില് പങ്കു വച്ച ചിത്രങ്ങളുടെ കമന്റായാണ് ഇങ്ങള് കണ്ണട തരോ'എന്നാണ് ആരാധകന് ചോദിച്ചത്. അധികം വൈകാതെ റിപ്ലെയും വന്നു. 'ശൂ ശൂ ആള് മാറി, അതിവിടല്ല' എന്നായിരുന്നു ടൊവീനോയുടെ മറുപടി. പിന്നാലെ രസകരമായ കമന്റുകളുമായി ആരാധകരും എത്തി.
"എന്നാലും കൊടുക്കാമായിരുന്നു വെറുതെ ഒന്നുമല്ലല്ലോ നല്ലോണം ഇരന്നിട്ടല്ലേ", "പണ്ട് എയര്പോര്ട്ടില് വച്ചൊരു ചേച്ചി 'ഉണ്ണിമുകുന്ദാ' എന്നും വിളിച്ചു വന്നതല്ലേ. എവിടെ ചെന്നാലും ഇതാണല്ലോ അവസ്ഥ", എന്നിങ്ങനെ രസകരമായ കമന്റുകളാണ് എത്തിയത്.