സാന്ഫ്രാന്സിസ്കോ : ബേ മലയാളി ആര്ട് സ് ആന്ഡ് സ്പോര്ട് സ് ക്ലബ് ന്റെ നേതൃത്വത്തില് “ കിഡ്സ് സമ്മര് സോക്കര് ട്രെയിനി ങ്ങ് " വിജയകരമായി നടക്കുന്നു . ഇക്കഴിഞ്ഞ രണ്ട് മാസമായി ഏകദേശം നാല്പ്പത്തിലധികം കുട്ടികള് ഈ ട്രെയിനിങ്ങില് പങ്കെടു ത്ത് പരിശീലനം നേടുന്നുണ്ട് . എല്ലാ ശനിയാഴ്ചയും രണ്ടു മണിക്കൂര് നേരം നീളുന്ന താണ് പരിശീലനം.
തുടര്ച്ചയായി അഞ്ച് വര്ഷക്കാലമായി ബേ മലയാളി കുട്ടികള്ക്കായി ഈ സോക്കര് ട്രെയിനിങ്ങ് സംഘടിപ്പിക്കുന്നു . ജാക്സ് വര്ഗീസ് ആണ് പരിശീലനത്തിന് നേതൃത്വം നല്കുന്നത് . ബേ മലയാളി ക്ലബ് അംഗങ്ങളായ ടിജു ജോസ്, അനുപ് പിള്ള , അനീഷ് പത്മനാഭന് , നിസാര് മങ്കുളങ്ങര , നൗഫല് കപ്പച്ചാലി , എല്വിന് ജോണി , ഷിബിന് രമേശന് , ഹേമന്ത് കുമാര് എന്നിവരും പരിശീലനത്തിന് സഹകരിക്കുന്നു . ദിവസവും ആറു കോച്ചു മാരുടെ സഹായത്തോടെ യാണ് കുട്ടികള് പരിശീലി ക്കുന്നത് .
ആഗസ്ററ് പത്താം തിയ്യതി നടക്കാനിരിക്കുന്ന ബേ മലയാളി യുടെ
പതിനൊന്നാമത് വാര്ഷിക സോക്കര് ടൂര്ണ്ണമെന്റ് ഫൈനല് മത്സരത്തിന്റെ
ഇടവേളയില് പരിശീലനം പൂര്ത്തിയാക്കിയ കുട്ടികളുടെ ഒരു പ്രദര്ശന മത്സരവും ഉണ്ടായിരിക്കുന്നതാണ് .
കുട്ടികള്ക്കെല്ലാം സൗജന്യ ജേഴ്സി വാഗ്ദാനം ചെയ്തുകൊണ്ട് അടുത്ത മൂന്നു വര്ഷത്തേക്ക് ഈ ട്രെയിനി ങ്ങ് സ്പോണ്സര് ചെയ്തിരിക്കുന്നത് പ്രിന്സ് റിയാലിറ്റി ആണ്. ഡോ. പ്രിന്സ് നെച്ചിക്കാട്ടിന്റെ ഉടമസ്ഥതയില് കഴിഞ്ഞ ഇരുപതു വര്ഷങ്ങളായി പ്രിന്സ് റിയാലിറ്റി കാലിഫോര്ണിയ റിയല് എസ്റ്റേറ്റ് രംഗത്ത് വിജയകരമായി സേവനമനുഷ്ഠിക്കുന്നു .
കുട്ടികള്ക്കും മുതിര്ന്നവര്ക്കുമുള്ള കായിക വിനോദങ്ങള് സംഘടിപ്പിച്ചുകൊണ്ട് സാന്ഫ്രാന്സിസ്കോ ബേ ഏരിയയില് ബേ മലയാളി ആര്ട് സ് ആന്ഡ് സ്പോര്ട് സ് ക്ലബ് ഇതിനകം ഏറെ ജനപ്രീതി നേടിക്കഴിഞ്ഞു.