കൊച്ചി;റഫീക്ക്‌ മംഗലശ്ശേരിയുടെ മമ്മാലി എന്ന ഇന്ത്യക്കാരന്‍ ആഗസ്റ്റ്‌ രണ്ടിനു തീയേറ്ററുകളിലേക്ക്‌. കാര്‍ത്തിക്‌ മീഡിയയുടെ ബാനറില്‍ കാര്‍ത്തിക്‌ നഗരം നിര്‍മ്മിച്ച്‌ അരുണ്‍ എന്‍ ശിവന്‍ സംവിധാനം നിര്‍വ്വഹിച്ച മമ്മാലി ഇന്ത്യക്കാരന്‍ ഓഗസ്റ്റ്‌ രണ്ടിനു പ്രദര്‍ശനത്തിനെത്തുന്നു . മതേതര ഇന്ത്യ ഇന്നു നേരിടുന്ന പ്രശ്‌നങ്ങളാണ്‌ റഫീക്ക്‌ ദൃശ്യവല്‍ക്കരിക്കുന്നത്‌.

മമ്മാലിയിലൂടെ മമ്മാലിയുടെയും മരുമകള്‍ ഷെരീഫയുടെയും ജീവിതത്തിലൂടെയാണ്‌ സിനിമ കടന്നു പോവുന്നത്‌. മലപ്പുറത്തുളള മമ്മാലി എന്ന സാധാരണ മനുഷ്യന്‍ ബാര്‍ബര്‍ ജോലിചെയ്യുന്ന ആളാണ്‌.സ്വന്തം മകനെ കഷ്ട്‌ടപെട്ടു വളര്‍ത്തി വിദ്യാഭ്യാസവും നല്‍കി വിദേശത്തേക്ക്‌ ജോലിക്ക്‌ അയക്കുന്നു..!

ഗര്‍ഭീണിയായ ഭാര്യയെയും വാര്‍ദ്ധക്യത്തിലേക്ക്‌ കാലൂന്നി നില്‍ക്കുന്ന പിതാവിനെയും മറന്നു ഇല്ലാത്ത സ്വര്‍ഗ്ഗം തേടി പോയ ഒരു മകന്‍റ കഥ അതിലൂടെ മമ്മാലിയുടെ കുടുംബം നേരിടുന്ന നരകയാധനകള്‍ ഓരോ ഫ്രയിമിലൂടെയും വരച്ചു കാട്ടുകയാണ്‌ അരുണ്‍ എന്‍ ശിവന്‍ എന്ന പുതുമുഖ സംവിധായകന്‍. 

നിരവധി നാടക ഷോട്ട്‌ ഫീലീമുകളിീലൂടെ പ്രശസ്‌തനായ കാര്‍ത്തികേയന്‍ വളളിക്കുന്നാണ്‌ കേന്ദ്ര കഥാപാത്രമായ മമ്മാലിയായി വേഷമിടുന്നത്‌ . മന്‍സിയയാണ്‌ മരുമകള്‍ ഷെരീഫയായി വേഷമിടുന്നത്‌.