Image

ചോരകൊണ്ട് സിന്ദൂരമണിയിച്ചശേഷം കാമുകിയെ കഴുത്തുഞെരിച്ച് കൊന്നു

Published on 22 July, 2019
ചോരകൊണ്ട് സിന്ദൂരമണിയിച്ചശേഷം കാമുകിയെ കഴുത്തുഞെരിച്ച് കൊന്നു
മുംബൈ: കൈമുറിച്ച് കാമുകിയുടെ നെറ്റിയില്‍ തന്റെ ചോര കൊണ്ട് സിന്ദൂരം ചാര്‍ത്തി, ഒരുമിച്ച് സെല്‍ഫിയെടുത്ത ശേഷം കാമുകന്‍ കാമുകിയെ കഴുത്തു ഞെരിച്ചു കൊന്നു. ശേഷം കാമുകനും ആത്മഹത്യ ചെയ്തു. മഹാരാഷ്ട്രയിലെ കല്യാണിലാണ് ബോളിവുഡ് സിനിമകളെ പോലും വെല്ലുന്ന അതിക്രൂരമായ  കൊലപാതകം നടന്നത്.

വാരാണസിയില്‍ പോകുകയാണെന്ന് വീട്ടുകാരോട് കള്ളം പറഞ്ഞ് കല്യാണിലുള്ള കാമുകി പ്രതിഭ പ്രസാദിനെ കാണാനെത്തിയതാണ് അരുണ്‍ ഗുപ്തയെന്ന 21 കാരന്‍. വെള്ളിയാഴ്ച 1.30 നാണ് ഇരുവരും ഗസ്റ്റ് ഹൗസില്‍ ചെക്ക് ഇന്‍ ചെയ്തു. ഇടയ്ക്ക് വെള്ളം ചോദിക്കാന്‍ മുറി തുറന്നതല്ലാതെ ഇരുവരും പുറത്തിറങ്ങിയിട്ടില്ല. രാത്രി 9.30ന് അത്താഴം കഴിക്കാന്‍ ജീവനക്കാരന്‍ കതകില്‍ തട്ടിയിട്ടും വാതില്‍ തുറന്നില്ല. അതോടെയാണ് പൊലീസിനെ അറിയിക്കുന്നത്.

വിവാഹചടങ്ങുകളിലെ സുപ്രധാന ചടങ്ങുകളില്‍ ഒന്നാണ് സിന്ദൂരം ചാര്‍ത്തല്‍. ആ ചടങ്ങാണ് രക്തം കൊണ്ട് അരുണ്‍ നടത്തിയത്. അതിനുശേഷം പ്രതിഭയ്‌ക്കൊപ്പം സെല്‍ഫിയുമെടുത്തശേഷമാണ് കൊലപാതകം. പൊലീസെത്തി മുറി പരിശോധിച്ചപ്പോള്‍ പ്രതിഭയെ മരിച്ച നിലയില്‍ കട്ടിലിലും അരുണിനെ സീലിങ്ങ് ഫാനില്‍ തൂങ്ങിയ നിലയിലും കണ്ടെത്തി. കൈ മുറിക്കാന്‍ പുതിയ ബ്ലേഡ് വാങ്ങി കയ്യില്‍ കരുതിയിരുന്നു.  ഇവര്‍ ആത്മഹത്യ ചെയ്യാന്‍ എന്താണ് കാരണമെന്ന് കണ്ടെത്തിയിട്ടില്ല. ഫെയ്‌സ്ബുക്കിലൂടെ ഏതാനും വര്‍ഷം മുന്‍പാണ് ഇരുവരും പരിചയപ്പെടുന്നത്.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക