Image

അവസാനനിമിഷം റിലീസ് മാറ്റി! ആരാധകരെ നിരാശപ്പെടുത്തി അമല പോള്‍! ആടൈ എത്താന്‍ ഇനിയും കാത്തിരിക്കണം!

Published on 19 July, 2019
അവസാനനിമിഷം റിലീസ് മാറ്റി! ആരാധകരെ നിരാശപ്പെടുത്തി അമല പോള്‍! ആടൈ എത്താന്‍ ഇനിയും കാത്തിരിക്കണം!

രത്‌നകുമാര്‍ സംവിധാനം ചെയ്ത ആടൈയ്ക്കായി കാത്തിരിക്കുകയായിരുന്നു എല്ലാവരും. പ്രഖ്യാപനവേള മുതല്‍ത്തന്നെ വാര്‍ത്തകളില്‍ നിറഞ്ഞുനിന്ന സിനിമ കൂടിയായിരുന്നു ഇത്. അമല പോളിന്റെ ലുക്കും കാമിനയെന്ന കഥാപാത്രവുമായിരുന്നു പ്രധാന സവിശേഷത. നിരവധി പേര്‍ വേണ്ടെന്ന് വെച്ച കഥാപാത്രത്തെയായിരുന്നു താരം ഏറ്റെടുത്തത്. ജൂലൈ 19ന് ചിത്രം തിയേറ്ററുകളിലേക്കെത്തുമെന്ന വിവരമായിരുന്നു പുറത്തുവന്നത്. മണിക്കൂറുകള്‍ക്കുള്ളില്‍ സിനിമയെത്തുമെന്നായിരുന്നു അമല കുറിച്ചത്. താരം പങ്കുവെച്ച വീഡിയോ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.


സിനിമയുടെ പ്രദര്‍ശനവും പ്രമോഷണല്‍ പരിപാടികളും നിര്‍ത്തിവെച്ചുവെന്ന തരത്തിലുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ഇതോടെ ആരാധകരും ആശങ്കയിലാണ്. സിനിമയുമായി ബന്ധപ്പെട്ട് അമല നടത്തിയ തുറന്നുപറച്ചിലുകള്‍ വൈറലായി മാറിയിരുന്നു. സാമ്ബത്തികമാണ് ചിത്രത്തിന്റെ റിലീസിന് വിഘാതമായി നില്‍ക്കുന്നതെന്നും പെട്ടെന്ന് തന്നെ ഇത് പരിഹരിച്ച്‌ സിനിമയെത്തുമെന്ന പ്രതീക്ഷയിലാണ് ആരാധകര്‍. സിനിമയുമായി ബന്ധപ്പെട്ടവര്‍ ഇതേക്കുറിച്ച്‌ ഇതുവരെ പ്രതികരിച്ചിട്ടില്ല.


റിലീസ് മാറ്റിയതായുള്ള വിവരങ്ങളൊന്നും അണിയറപ്രവര്‍ത്തകര്‍ പുറത്തുവിട്ടിരുന്നില്ല. തിയേറ്ററുകളിലെല്ലാം ഫ്‌ളക്‌സ് ബോര്‍ഡുകളും തോരണവുമൊക്കെയായിരുന്നു. തിയേറ്ററുകളിലേക്കെത്തിയ പ്രേക്ഷകര്‍ പോലും അവസാനനിമിഷമാണ് ഇതേക്കുറിച്ച്‌ അറിഞ്ഞത്. വൈകുന്നേരത്തോടെ ഷോ പുനരാരംഭിക്കുമെന്ന പ്രതീക്ഷയും ആരാധകര്‍ക്കുണ്ട്. അധികം വൈകാതെ തന്നെ കൃത്യമായ വിവരം പുറത്തുവിടുമെന്ന പ്രതീക്ഷയിലാണ് സിനിമാപ്രേമികള്‍.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക