തിരുവനന്തപുരം: നെടുങ്കണ്ടം കസ്റ്റഡിമരണത്തില് പീരുമേട് സബ്ജയില് ഉദ്യോഗസ്ഥര്ക്കെതിരെ നടപടി. സാമ്ബത്തികത്തട്ടിപ്പ് കേസിലെ പ്രതി രാജ്കുമാര് പീരുമേട് സബ്ജയിലില് റിമാന്ഡിലിരിക്കെ മരിച്ച സംഭവത്തില് ജയില് ഉദ്യോഗസ്ഥര്ക്ക് വീഴ്ച പറ്റിയെന്ന ജയില് ഡിഐജിയുടെ റിപ്പോര്ട്ടിനെ തുടര്ന്നാണ് നടപടി.
റിപ്പോര്ട്ടിന്റെ അടിസ്ഥാനത്തില് ഡെപ്യൂട്ടി പ്രിസണ് ഓഫീസര് വാസ്റ്റിന് ബോസ്കോയെ ജയില് മേധാവി സസ്പെന്ഡ് ചെയ്തു. താല്ക്കാലിക വാര്ഡന് സുഭാഷിനെ ജോലിയില് നിന്ന് പിരിച്ചുവിട്ടു. വകുപ്പ് തല അന്വേഷണത്തിന് ചീമേനി ജയില് സൂപ്രണ്ടിനെ ചുമതലപ്പെടുത്തി.