ആന്തൂരില്‍ പ്രവാസി വ്യവസായി സാജന്‍ ആത്മഹത്യ ചെയ്‌തത്‌ മനോവിഷമം മൂലമെന്ന്‌ പൊലീസ്‌. കണ്‍വെന്‍ഷന്‍ സെന്ററിന്‌ അനുമതി ലഭിക്കാത്തതാണ്‌ ആത്മഹത്യാകാരണം. മറ്റ്‌ പ്രചാരണങ്ങള്‍ അന്വേഷണവുമായി ബന്ധപ്പെട്ടതല്ലെന്ന്‌ ഡിവൈഎസ്‌പി കൃഷ്‌ണദാസ്‌. മറ്റ്‌ കാരണങ്ങള്‍ ഉണ്ടോയെന്ന്‌ അന്വേഷിക്കും.

സാജന്റെ മരണകാരണം കണ്‍വെന്‍ഷന്‍ സെന്ററിന്‌ അനുമതി കിട്ടാത്തതല്ലെന്നും സാജന്റെ ഭാര്യ ബീനക്ക്‌ െ്രെഡവറുമായി അരുതാത്ത ബന്ധമാണുള്ളതെന്ന്‌ മകള്‍ പൊലീസിന്‌ മൊഴി നല്‍കിയെന്നും   വാര്‍ത്ത നല്‍കിയതിനെതിരെ സാജന്റെ ഭാര്യ ശക്തമായി പ്രതികരിച്ചിരുന്നു. ഇങ്ങനെ വാര്‍ത്ത പ്രചരിപ്പിച്ചതിനെതിരെ ദേശാഭിമാനിക്കെതിരെ നിയമ നടപടി സ്വീകരിക്കുമെന്നും ബീനയും കുടുംബവും വ്യക്തമാക്കിയിരുന്നു.

ഇക്കാര്യങ്ങള്‍ ചൂണ്ടിക്കാട്ടി കേസ്‌ സി.ബി.ഐക്ക്‌ കൈമാറണമെന്ന്‌ ആവശ്യപ്പെട്ട്‌ ബീന മുഖ്യമന്ത്രിക്കും ഡി.ജി.പിക്കും പരാതി നല്‍കകുകയും ചെയ്‌തു.