ഇസ്ലമാബാദ്: പാകിസ്താനില് വീണ്ടും മാധ്യമവിലക്കെന്ന് പരാതി. മുന് പ്രധാനമന്ത്രി നവാസ് ശരീഫിെന്റ മകളും പി.എം.എല്.എന് വൈസ് പ്രസിഡന്റുമായ മറിയം നവാസിെന്റ അഭിമുഖം സംപ്രേഷണം ചെയ്യുന്നത് നിര്ത്തിവെക്കാന് നിര്ബന്ധിതരായെന്ന് പരാതിയുമായി െടലിവിഷന് ചാനലായ ഹം ന്യൂസ് രംഗത്ത്. ട്വിറ്ററിലൂടെയാണ് ഹം ന്യൂസിലെ മാധ്യമപ്രവര്ത്തകന് നദീം മാലിക് ഇക്കാര്യം വെളിപ്പെടുത്തിയത്. പാകിസ്താന് ഇലക്ട്രോണിക് മീഡിയ റെഗുലേറ്ററി അതോറിറ്റിയുടെ ഉത്തരവ് പ്രകാരം ചാനലിന് മറിയത്തിെന്റ അഭിമുഖം നിമിഷങ്ങള്ക്കകം നിര്ത്തേണ്ടി വന്നു.
പാകിസ്താനി വാര്ത്താ ചാനലുകളായ അബ് തക്, ചാനല് 24, ക്യാപ്റ്റന് ടിവി എന്നിവര് മറിയം നവാസിെന്റ പത്രസമ്മേളനം സംപ്രേക്ഷണം ചെയ്തതും സര്ക്കാര് തടഞ്ഞിരുന്നു. ഇതിന് തൊട്ടുപിറകെയാണ് മറിയത്തിെന്റ അഭിമുഖവും സംപ്രേഷണം ചെയ്യുന്നത് നിര്ത്തിവെപ്പിച്ചത്.
പാകിസ്താന് ഇലക്ട്രോണിക് മീഡിയ റെഗുലേറ്ററി അതോറിറ്റിയുടേത് നാണംകെട്ട നടപടിയാണെന്നും അവിശ്വസനീയ ഫാഷിസമാണ് നടക്കുന്നതെന്നും മറിയം പ്രതികരിച്ചു.
ഹം ന്യൂസ് സ്വതന്ത്രവും ഉത്തരവാദിത്തപൂര്ണവുമായ മാധ്യമപ്രവര്ത്തനത്തില് വിശ്വസിക്കുന്നു. ആവിഷ്കാര സ്വാതന്ത്ര്യത്തെ സംരക്ഷിക്കുകയെന്നതാണ് തങ്ങളുടെ ലക്ഷ്യം. അതേസമയം നീതിന്യായ വ്യവസ്ഥയുടെ അന്തസിനെയും ഭരണഘടനയെയും ബഹുമാനിക്കുന്നുവെന്നും ഹം ന്യൂസ് ഔദ്യോഗിക ട്വീറ്റിലൂടെ അറിയിച്ചു.