ഇടുക്ക കട്ടപ്പന നെടുങ്കണ്ടം പൊലീസ്‌ സ്റ്റേഷനില്‍ ക്രൂര മര്‍ദ്ധനത്തിനിരയായി യുവാവ്‌ മരണപ്പെട്ട സംഭവത്തില്‍ സാംസ്‌കാരിക പ്രവര്‍ത്തകരടക്കം പ്രതികരിച്ചിരുന്നില്ല. ഇത്തരക്കാരെ കണ്ടെത്തുന്നവര്‍ നെടുങ്കണ്ട പൊലീസ്‌ സ്റ്റേഷനിലോ അല്ലെങ്കില്‍ സി.പി.എം ഇടുക്കി ജില്ലാ കമ്മിറ്റി ഓഫീസിലോ അറിയിക്കണമെന്നും എ. ജയശങ്കര്‍ ഫേസ്‌ബുക്ക്‌ പോസ്റ്റിലൂടെ പരിഹസിക്കുന്നു.

ഫേസ്‌ബുക്ക്‌ പോസ്റ്റിന്റെ പൂര്‍ണരൂപം 

 
കണ്ടവരുണ്ടോ?
സമഗ്രാധിപത്യം, സാമ്രാജ്യത്വം, ഫാസിസം, ഭരണകൂട ഭീകരത, അപ്രഖ്യാപിത അടിയന്തരാവസ്ഥ എന്നിത്യാദികളെ കുറിച്ച്‌ വാതോരാതെ പ്രസംഗിച്ചിരുന്ന നമ്മുടെ പുരോഗമന മതേതര സാംസ്‌കാരിക നായികാ നായകന്മാരെ ആരെയും കഴിഞ്ഞ രണ്ടാഴ്‌ചയായി കാണ്മാനില്ല.

കണ്ടുമുട്ടുന്നവര്‍ ഉടന്‍ നെടുങ്കണ്ടം പോലീസ്‌ സ്റ്റേഷനിലോ സിപിഐ(എം) ഇടുക്കി ജില്ലാ കമ്മറ്റി ഓഫീസിലോ അറിയിക്കാന്‍ അഭ്യര്‍ത്ഥിക്കുന്നു. മന്ത്രി മണിയാശാന്റെ പേഴ്‌സണല്‍ നമ്‌ബറിലും വിളിക്കാം.

സഖാക്കളേ, വേഗം മടങ്ങിവരൂ. അമേരിക്കന്‍ സാമ്രാജ്യത്വം നമ്മുടെ പാര്‍ട്ടിക്കും സര്‍ക്കാരിനും എതിരെ അഴിച്ചുവിട്ട ദുഷ്‌പ്രചരണം ചെറുക്കാന്‍ വര്‍ഗബഹുജന സംഘടനകള്‍ക്കൊപ്പം അണിചേരൂ