ന്യൂഡല്ഹി: മദ്യക്കുപ്പിയില് ഇന്ത്യയുടെ രാഷ്ട്ര പിതാവ് മഹാത്മാ ഗാന്ധിയുടെ ചിത്രം പതിച്ച ഇസ്രായേല് കമ്ബനി അവയുടെ നിര്മാണവും വിതരണവും നിര്ത്തിവെച്ചതായി വിദേശ മന്ത്രി എസ്. ജയ്ശങ്കര്. രാജ്യസഭയില് ശൂന്യവേളയില് ഈ വിഷയം ഉന്നയിച്ച ആപ് എം.പി സഞ്ജയ് സിങ്ങിന് നല്കിയ മറുപടിയിലാണ് മന്ത്രി വിഷയം വ്യക്തമാക്കിയത്.
ഇസ്രായേിലിലെ ഇന്ത്യന് എംബസി കമ്ബനിയെ ബന്ധപ്പെട്ട് സംഭവം അറിയിച്ചിരുന്നു . വിഷയത്തില് മാപ്പുപറഞ്ഞ കമ്ബനി, തങ്ങള് ഉല്പാദനവും വിതരണവും നിര്ത്തിവെച്ചതായും വിപണിയില്നിന്ന് മദ്യക്കുപ്പി പിന്വലിക്കാന് ശ്രമിക്കുമെന്ന് അറിയിച്ചതായും മന്ത്രി പറഞ്ഞു.ഇക്കാര്യത്തില് ഉചിത നടപടി സ്വീകരിക്കാന് രാജ്യസഭ ചെയര്മാന് എം. വെങ്കയ്യ നായിഡു മന്ത്രിയോട് നിര്ദേശിച്ചു.