ന്യൂദല്‍ഹി: മായാവതി സര്‍ക്കാരിന്റെ ഭൂമി ഏറ്റെടുക്കല്‍ നയത്തിനെതിരേ പദയാത്ര നടത്തുന്ന എ.ഐ.സി.സി ജനറല്‍ സെക്രട്ടറി രാഹുല്‍ ഗാന്ധിയുടെ യാത്രയ്‌ക്കിടെ സുരക്ഷാപാളിച്ച. ഉത്തര്‍പ്രദേശിലെ അലിഗഢില്‍ എത്തിയ രാഹുലിന്റെ സമീപത്തേക്ക്‌ നിറത്തോക്കുമായി എത്തിയ യുവാവിനെ സുരക്ഷാ ഉദ്യോഗസ്ഥന്‍ പിടികൂടി. ഹരി മോഹന്‍ ശര്‍മയെന്ന യുവാവാണ്‌ പിടിയിലായത്‌. എസ്‌പിജി സംഘം കസ്റ്റഡിയിലെടുത്ത ഇയാളെ യു.പി പൊലീസിന്‌ കൈമാറി. പദയാത്രയുടെ മൂന്നാംദിവസമായ ഇന്ന്‌ രാവിലെയാണ്‌ സംഭവം.