വനിതാ ക്രിക്കറ്റര്‍ മിതാലി രാജിന്റെ ജീവിതം സിനിമയാകുന്നു; തപ്‌സി പന്നു നായിക
Published on 04 July, 2019
ഇന്ത്യന്‍ വനിതാ ക്രിക്കറ്റ്‌ താരം മിതാലി രാജിന്റെ ജീവിതം സിനിമയാകുന്നു. തപ്‌സി പന്നുവാണ്‌ ചിത്രത്തില്‍ മിതാലി രാജായി വേഷമിടുന്നത്‌.
2017ലാണ്‌ പ്രോജക്ട്‌ അനൗണ്‍സ്‌ ചെയ്യുന്നത്‌. സംവിധായകനെ ലഭിക്കാത്തതിനാല്‍ ചിത്രം നീളുകയായിരുന്നു. ചിത്രത്തിന്‌ സംവിധായകനെ തീരുമാനിച്ചു കഴിഞ്ഞാല്‍ ഉടനെ ചിത്രീകരണം ആരംഭിക്കുമെന്നും റിപ്പോര്‍ട്ടുകള്‍ വ്യക്തമാക്കുന്നു.
പി.ടി ഉഷ, സൈന നെവാള്‍ എന്നിവരുടേതടക്കം നിരവധി ബയോപിക്കുകളാണ്‌ അണിയറയില്‍ ഒരുങ്ങിക്കൊണ്ടിരിക്കുന്നത്‌.
രാജ്യാന്തര ക്രിക്കറ്റില്‍ ഏറ്റവും കൂടുതല്‍ റണ്‍സ്‌ നേടിയ വനിതാ താരമാണ്‌ മിതാലി രാജ്‌. വനിതാ ഏകദിന ക്രിക്കറ്റില്‍ 6,000 റണ്‍സ്‌ പിന്നിട്ട ഏക താരവുമാണ്‌. ഏകദിന ക്രിക്കറ്റില്‍ തുടര്‍ച്ചയായി ഏഴ്‌ അര്‍ധ സെഞ്ച്വറികള്‍ നേടിയിട്ടുണ്ട്‌.
സൂര്‍മ എന്ന ചിത്രത്തില്‍ ഹോക്കി താരമായി തപ്‌സി വേഷമിട്ടിരുന്നു. തപ്‌സിയുടെ പുതിയ ചിത്രമായ സാന്ത്‌ കി ആങ്കില്‍ ഷൂട്ടറുടെ വേഷത്തിലും തപ്‌സി എത്തുന്നുണ്ട്‌ അനുരാഗ്‌ കശ്യപാണ്‌ ചിത്രം സംവിധാനം ചെയ്യുന്നത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala