Image

മലയാളി ബാലന്‍ മക്കയില്‍ നിര്യാതനായി

Published on 18 June, 2019
മലയാളി ബാലന്‍ മക്കയില്‍ നിര്യാതനായി


മക്ക: സന്ദര്‍ശക വീസയില്‍ സൗദിയില്‍ എത്തിയ മലയാളി ബാലന്‍ മക്കയില്‍ നിര്യാതനായി. മലപ്പുറം മുണ്ടുപറമ്പ് കാട്ടുങ്ങല്‍ പുത്തന്‍പുരയ്ക്കല്‍ സജാസ് തങ്ങള്‍ശഹാമ ദമ്പതികളുടെ മകന്‍ റയാന്‍ (4) ആണ് നിര്യാതനായത്. 

മക്കയിലെ ഏഷ്യന്‍ ഹോസ്പിറ്റലില്‍ ജോലി ചെയ്യുന്ന ശഹാമയുടെ പിതാവ് ഡോ. അബൂബക്കറിനെ സന്ദര്‍ശിക്കാന്‍ എത്തിയതായിരുന്നു. അസുഖത്തെ തുടര്‍ന്നു മൂന്നാഴ്ചയോളമായി മക്കയിലെ അല്‍ നൂര്‍ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്നു. 

ദുബായില്‍ ജോലിചെയ്യുന്ന പിതാവ് സജാസ് തങ്ങള്‍ മക്കയിലേക്ക് പുറപ്പെട്ടിട്ടുണ്ട്. നിയമ നടപടി ക്രമങ്ങള്‍ പൂര്‍ത്തീകരിച്ച് മക്കയില്‍ ഖബറടക്കുമെന്ന് ബന്ധുക്കള്‍ അറിയിച്ചു.

റിപ്പോര്‍ട്ട് : കെ.ടി. മുസ്തഫ പെരുവള്ളൂര്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക