പെരിയ: കല്യോട്ട് കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകന് കൃപേഷിന്റെ പിതാവിന് നേരെ ഒരു സംഘം വധഭീഷണി മുഴക്കിയതായി പരാതി. പെരിയയിലെ അക്രമത്തില് പ്രതിഷേധിച്ച് സി പി എം കല്യോട്ട് നടത്തിയ പ്രതിഷേധ യോഗത്തിനു പിന്നാലെ ഒരു സംഘം കൃപേഷിന്റെ വീട്ടിലെത്തി പിതാവിനെ ഭീഷണിപ്പെടുത്തുകയായിരുന്നുവെന്നാണ് പരാതി.
ഇവിടെ നിന്നും സ്ഥലം വിട്ടില്ലെങ്കില് ശരിപ്പെടുത്തുമെന്നായിരുന്നു ഭീഷണി. സംഭവം അപ്പോള് തന്നെ കൃഷ്ണന് ജില്ലാ പോലീസ് മേധാവിയെ അറിയിച്ചു. എസ് പിയുടെ നേതൃത്വത്തില് ഷാഡോ പോലീസ് ഉള്പ്പെടെയുള്ള സംഘം സ്ഥലത്തെത്തി. സംഭവത്തില് കണ്ടാലറിയാവുന്ന സി പി എം പ്രവര്ത്തകര്ക്കെതിരെ കേസെടുത്തിട്ടുണ്ട്. പോലീസിന്റെ അനുമതിയില്ലാതെ പൊതുയോഗം നടത്തിയ സംഭവത്തില് സി പി എം പ്രവര്ത്തകര്ക്കെതിരെയും പോലീസ് നേരിട്ട് കേസെടുത്തിട്ടുണ്ട്.
കഴിഞ്ഞ രണ്ടു ദിവസങ്ങളില് കല്യോട്ടുണ്ടായ സംഘര്ങ്ങളില് പോലീസിനെ അക്രമിച്ചതുള്പ്പെടെ ഏഴു കേസുകളാണ് പോലീസ് ചാര്ജ് ചെയ്തിട്ടുള്ളത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല