പെരിന്തല്മണ്ണ : മൂന്നു ദിവസം പ്രായമായ കുഞ്ഞിനേയും കൊണ്ട് പെരിന്തല്മണ്ണയില് നിന്ന് പോയ ആംബലുന്സ് കുഞ്ഞിനെ തിരുവനന്തപുരം ശ്രീചിത്ര ആശുപത്രിയിലെത്തിച്ചു. അഞ്ച് മണിക്കൂറുകള് കൊണ്ടാണ് കുഞ്ഞിനെ തിരുവനന്തപുരത്തെ ആശുപത്രിയിലെത്തിച്ചത്.
ഹൃദയ സംബന്ധമായ അസുഖമുള്ള കുഞ്ഞിന് അടിയന്തിര ചികിത്സക്കാണ് പെരിന്തല്മണ്ണ ആശുപത്രിയില് നിന്നും കൊണ്ടു പോകുന്നത്. 5.40നായിരുന്നു യാത്ര തിരിച്ചത്.
മലപ്പുറം ജില്ലയിലെ വേങ്ങൂര് സ്വദേശിയായ കളത്തില് നജാദ് ഇര്ഫാന ദമ്പതികളുടെ കുഞ്ഞിനേയും കൊണ്ടായിരുന്നു ആംബുലന്സ് ശ്രീചിത്ര ആശുപത്രിയിലേക്ക് പോയത്. ആരോഗ്യമന്ത്രിയുടെ ഓഫീസ് ഇടപെട്ട് ഹൃദ്യം പദ്ധതിയുടെ ഭാഗമായാണ് ചികിത്സ ഒരുക്കിയതെന്ന് കുഞ്ഞിന്റെ ബന്ധു പറഞ്ഞു.