കോഴിക്കോട്‌ ലോക്‌സഭ മണ്ഡലത്തിലെ യു.ഡി.എഫ്‌ സ്ഥാനാര്‍ത്ഥി എം കെ രാഘവന്‌ തിരഞ്ഞെടുപ്പ്‌ ചെലവിലേക്കായി അഞ്ചു കോടി രൂപ കോഴ വാഗ്‌ദാനം ചെയ്‌ത ആരോപണം അതീവ ഗൗരവമേറിയതാണെന്ന്‌ മുഖ്യ തിരഞ്ഞെടുപ്പ്‌ ഓഫീസര്‍ ടിക്കാറാം മീണ പറഞ്ഞു. ഇക്കാര്യത്തില്‍ കോഴിക്കോട്‌ ജില്ലാ കളക്ടറോട്‌ റിപ്പോര്‍ട്ട്‌ തേടുമെന്നും ഓഫീസര്‍ പറഞ്ഞു.


എന്നാല്‍, തനിക്കെതിരെയുള്ള ആരോപണത്തിന്‌ പിന്നില്‍ കോഴിക്കോട്‌ എല്‍ഡിഎഫും മാഫിയാ സംഘവുമാണെന്ന്‌ ആരോപിച്ച്‌ എം. കെ രാഘവന്‍ രംഗത്തെത്തി. സിപിഎമ്മിന്‌ പരാജയഭീതിയാണ്‌. ശബ്ദം ഡബ്ബ്‌ ചെയ്‌താണ്‌ കാണിച്ചാണ്‌. താന്‍ പറയാത്ത കാര്യങ്ങളാണ്‌ വീഡിയോയില്‍ ചേര്‍ത്തിരിക്കുന്നത്‌. ഇതിന്റെ തെളിവ്‌ ഉടന്‍ പുറത്തു വിടും. വ്യക്തിഹത്യ നടത്താനാണ്‌ ശ്രമമെന്നും അദ്ദേഹം കൂട്ടിച്ചേര്‍ത്തു.