ബാക്കിയുണ്ടാശകള്‍ (കവിത: ഡോ. ഇ.എം. പൂമൊട്ടില്‍)

SAHITHYAM 19-Mar-2019

പ്രായം തൊണ്ണൂറ്റിയഞ്ചെത്തിയ വൃദ്ധന്റെ
ജന്മദിനത്തിലാവേശമോടെ
ബന്ധുക്കളും സ്വന്ത മിത്രങ്ങളേവരും
സന്ധ്യയതാഘോഷിക്കുന്ന നേരം

എണ്ണിത്തിലേറെ മെഴുകുതിരികളും
ചെമ്മെ അലംകൃതമായൊരാ കേക്കും
വര്‍ണ്ണങ്ങളില്‍ തെളിയുന്ന ദീപങ്ങളും
വന്ദ്യനാം താതന്റെ മുന്നില്‍ നിരന്നു!

പോയകാലങ്ങളില്‍ തന്‍ ജീവിതത്തിലെ
തോല്‍വിയും നേട്ടവും വര്‍ണ്ണിക്കവെ
ജീവിതത്തില്‍ ഏറെ സംതൃപ്തനാണെന്നു
താഴ്മഭാവത്തില്‍ മൊഴിഞ്ഞു താതന്‍!

ആശകള്‍ ബാക്കിയുണ്ടോയിനിയുമെ-
ന്നാരോ വയോധികനോട് ചോദിക്കവെ
ഇനിയേറെയൊന്നുമില്ലെങ്കിലും ബാക്കിയായ്
ഒരു കൊച്ചുമോഹമുണ്ടെന്നു ചൊന്നു.

ഇവനൊരു പൈതലുണ്ടായിട്ടുവേണം
ഇവിടുന്നു പരലോകയാത്ര പോകാന്‍,
ഒരു തലമുറകൂടി കാണുവാന്‍ മോഹം
ഒരുനാളിലീവാസം തീരുംമുമ്പെ
അഞ്ചു വയസ്സുള്ള ചെറുമകനെ തന്‍
നെഞ്ചോട് ചേര്‍ത്തു പിടിച്ചയാള്‍ ചൊന്നു!!

Facebook Comments

Comments.

കാര്‍ന്നോര്‍ക്ക് പൊന്ന് അല്ല വേണ്ടത�

2019-03-21 07:49:40

കാര്‍ന്നോര്‍ക്ക് വേണ്ടത് പൊന്ന് അല്ല അത് പോലെ പേര്‍ ഉള്ള മറ്റൊന്ന് ആണെന്ന് നോട്ടം കണ്ടാല്‍ അറിയില്ലേ ? ഇനി അത് എങ്ങനെ കൊടുക്കണം എന്ന് ആലോചിക്കുക - അമേരിക്കന്‍ ബീബി

വിദ്യാധരൻ

2019-03-20 23:52:57

ആശകൾ ഇല്ലാത്ത മാനുഷർ ഉണ്ടോ ഭൂവിൽ?

ചിലർ ചത്താലും ആശകൾ ബാക്കി നിൽക്കും.

പണ്ടൊക്കെ കാർണോന്മാർ ചാകാൻ കിടക്കുമ്പോൾ

പൊന്നുരച്ചു നാക്കിൻ തുമ്പിൽ വയ്ക്കും.

ലോകത്തുടുള്ള ആശകൾ കൂടീട്ടല്ലേൽ

നാട്ടാർക്കും വീട്ടാർക്കും തൊല്ലയാകും .

തൊണ്ണൂറു കഴിഞ്ഞുള്ള വൃദ്ധന്മാർ ഇത്‌പോല

പിറന്നാള് ഘോഷിക്കിൽ നിങ്ങളൊക്കെ .

കേക്കിലൊരല്പം പൊന്നു ഉരച്ചു തേച്ചു

ചെറുകഷണമൊന്ന് വായിൽ വച്ചിടുകിൽ