രാജീവ്‌ ഗാന്ധി വധക്കേസ്‌; ഭര്‍ത്താവ്‌ മുരുകനെ മോചിപ്പിക്കാന്‍ ജയിലില്‍ നിരാഹാര സമരവുമായി നളിനി
Published on 11 February, 2019
വെല്ലൂര്‍: രാജീവ്‌ ഗാന്ധി വധക്കേസില്‍ ശിക്ഷിക്കപ്പെട്ട നളിനി തന്റെ ഭര്‍ത്താവ്‌ മുരുകനെ വിട്ടുകിട്ടാനായി ജയിലില്‍ നിരാഹാരമിരിക്കുന്നു.
സ്‌ത്രീകള്‍ക്ക്‌ വേണ്ടിയുള്ള പ്രത്യേക ജയിലിലാണ്‌ നളിനി കഴിഞ്ഞ ഞായറാഴ്‌ച്ച മുതല്‍ നിരാഹാരമിരിക്കുന്നത്‌. തന്നെ മോചിപ്പിക്കാന്‍ ആവശ്യപ്പെട്ടുകൊണ്ട്‌ വെല്ലൂരിലെ സെന്‍ട്രല്‍ ജയിലില്‍ കഴിയുന്ന നളിനിയുടെ ഭര്‍ത്താവും ഫെബ്രുവരി രണ്ടാം തീയതി മുതല്‍ നിരാഹാരത്തിലാണ്‌.
ഭര്‍ത്താവിന്‌ ഐക്യദാര്‍ട്യം അര്‍പ്പിച്ചുകൊണ്ടാണ്‌ നളിനിയും ഇപ്പോള്‍ നിരാഹാരം ആരംഭിച്ചിരിക്കുന്നത്‌.
തമിഴ്‌നാട്‌ ഗവര്‍ണറുടെ ഉത്തരവ്‌ പ്രകാരം രാജീവ്‌ ഗാന്ധി വധക്കേസിലെ മറ്റ്‌ ഏഴ്‌ പ്രതികളെയും വെറുതെ വിട്ടിരുന്നു.
എന്നാല്‍ തങ്ങളെ മോചിപ്പിക്കുന്നതിന്‌ വേണ്ടി ഗവര്‍ണര്‍ക്ക്‌ അപേക്ഷ നല്‍കിയ മുരുകനെ ഇനിയും തടവില്‍ നിന്നും മോചിപ്പിച്ചിട്ടില്ല. നളിനിയുടേയും മുരുകന്റെയും അഭിഭാഷകനായ പി.പുകഴേന്തി പറഞ്ഞു.
മുഴുവന്‍ പ്രതികളെയും മോചിപ്പിക്കണമെന്നാണ്‌ നളിനി ആവശ്യപ്പെടുന്നത്‌.
ഫെബ്രുവരി 8ന്‌ തന്റെ ഭര്‍ത്താവിനെ മോചിപ്പിക്കണമെന്ന്‌ ആവശ്യപ്പെട്ടു നളിനി ഏതാനും പ്രതിനിധികളെ ഗവര്‍ണറുടെ അടുക്കലേക്ക്‌ അയച്ചിരുന്നു.
എന്നാല്‍ ഇത്‌കൊണ്ട്‌ കാര്യമുണ്ടായില്ല.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala