തിരുവനന്തപുരം: കെഎസ്ആര്ടിസി ബസ് ബൈക്കില് ഇടിച്ച് തലയിലൂടെ ചക്രം കയറിയിറങ്ങി ഗര്ഭിണി ദാരുണമായി മരിച്ചു. ആനാവൂര് വേങ്കച്ചല് സ്കൂള് ജംക്ഷനു സമീപം മേക്കുംകര പുത്തന്വീട്ടില് വിനോദിന്റെ ഭാര്യ ധന്യ (26) ആണ് മരിച്ചത്.അപകടത്തില് പരിക്കേറ്റ വിനോദിനെ ആശുപത്രിയില് പ്രവേശിപ്പിച്ചു. എസ്.എ.ടി ആശുപത്രിയില് പരിശോധനയ്ക്കു പോകവേ ശനിയാഴ്ച രാവിലെ ഏഴുമണിക്ക് കരമന ആണ്ടിയിറക്കത്തു വച്ചായിരുന്നു അപകടം. ധന്യ സംഭവസ്ഥലത്തുവെച്ചുതന്നെ മരിച്ചിരുന്നു.അപകടത്തെ കുറിച്ച് പോലീസ് പറയുന്നത്:ബൈക്കിന്റെ അതേ ദിശയില് സഞ്ചരിച്ച ബസ് തട്ടി യുവതി ബസിനടിയിലേക്കു മറിഞ്ഞു തലയിലൂടെ ചക്രം കയറിയിറങ്ങുകയായിരുന്നു.
എന്നാല് വിനോദ് അല്പ്പം ദൂരെ മാറിയാണ് തെറിച്ചു വീണത്. ധന്യ സംഭവസ്ഥലത്തുവച്ചു തന്നെ മരിച്ചു. മൃതദേഹം ഇന്ക്വസ്റ്റ് നടപടികള്ക്കു ശേഷം ബന്ധുക്കള്ക്കു വിട്ടുനല്കി.
നെയ്യാറ്റിന്കരയില് ബേക്കറി തൊഴിലാളിയാണ് വിനോദ്. മണലൂര് കൂട്ടുകാല സ്വദേശിനിയായ ധന്യ രണ്ടരമാസം ഗര്ഭിണിയായിരുന്നു. സംഭവത്തില് പോലീസ് കേസെടുത്തു.