Image

വീഗാലാന്‍ഡില്‍ പരിക്കേറ്റയാള്‍ക്ക്‌ നഷ്ടപരിഹാരം നല്‍കിയില്ല; ചിറ്റിലപ്പള്ളിക്ക്‌ ഹൈക്കോടതിയുടെ രൂക്ഷവിമര്‍ശനം

Published on 17 January, 2019
വീഗാലാന്‍ഡില്‍ പരിക്കേറ്റയാള്‍ക്ക്‌ നഷ്ടപരിഹാരം നല്‍കിയില്ല; ചിറ്റിലപ്പള്ളിക്ക്‌ ഹൈക്കോടതിയുടെ രൂക്ഷവിമര്‍ശനം


കൊച്ചി > വീഗാലാന്‍ഡില്‍ വീണു പരിക്കേറ്റയാള്‍ക്ക്‌ മതിയായ നഷ്ട പരിഹാരം നല്‍കാത്തതിന്‌ കൊച്ചൗസേപ്പ്‌ ചിറ്റിലപ്പിള്ളിക്ക്‌ ഹൈക്കോടതിയുടെ രൂക്ഷ വിമര്‍ശനം.

2002 ഡിസംബര്‍ 22 ന്‌ വീഗാലാന്‍ഡില്‍ വീണു പരിക്കേറ്റ തൃശൂര്‍ സ്വദേശി വിജേഷ്‌ വിജയന്‍ നല്‍കിയ ഹര്‍ജിയാണ്‌ കോടതി പരിഗണിച്ചത്‌. റോക്കറ്റില്‍ ലോകം ചുറ്റുന്ന ചിറ്റിലപിള്ളി കിടക്കയില്‍ കിടക്കുന്ന വിജേഷിനെ പരിഗണിക്കാത്തത്‌ എന്തുകൊണ്ടാണെന്ന്‌ കോടതി ചോദിച്ചു.

സംഭവം തനിക്ക്‌ നാണക്കേടുണ്ടാക്കിയെന്നും രണ്ടര ലക്ഷം രൂപ നഷ്ടപരിഹാരം നല്‍കാമെന്നുമാണ്‌ ചിറ്റിലപ്പിള്ളി പറയുന്നത്‌. എന്നാല്‍ എത്ര വര്‍ഷമായി വിജേഷ്‌ കിടപ്പിലാണെന്നും, അതെന്താണ്‌ ചിറ്റിലപ്പള്ളി ഓര്‍ക്കാത്തതെന്നും കോടതി ചോദിച്ചു.

ഇവരൊക്കെ ചെയ്യുന്ന ഇത്തരം കാര്യങ്ങള്‍ ഞെട്ടലുളവാക്കുകയാണ്‌. ഇത്തരക്കാരെ തുറന്നു കാട്ടുന്ന സംഭവമാണ്‌ ഹര്‍ജിയായി വന്നിരിക്കുന്നതെന്നും കോടതി പറഞ്ഞു.

ചെറിയ സഹായങ്ങള്‍ നല്‍കി പ്രസിദ്ധീകരിക്കുന്നത്‌ പ്രശസ്‌തിക്കു വേണ്ടിയാണോയെന്നും കോടതി ചോദിച്ചു
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക