പുതുവര്‍ഷം(കവിത: രാജന്‍ കിണറ്റിങ്കര)
രാജന്‍ കിണറ്റിങ്കര Published on 19 December, 2018
ഡിസംബറിന്റെ
കാണാചില്ലയിലെ
അവസാന
പക്ഷിയും
പറന്നു പോയി
വിരഹത്തിന്റെ
തണുത്തുറഞ്ഞ
മേഘക്കീറുകള്‍
ആകാശത്ത്
ഗതികിട്ടാതലയുമ്പോള്‍
ശാന്തിയുടെ
നാമജപങ്ങള്‍
ഭൂമിയില്‍
വഴി തടയുന്നു
അസ്വാതന്ത്ര്യത്തിന്റെ
കറുത്തചങ്ങലകള്‍
പൊട്ടിച്ചെറിഞ്ഞ്
മോചിതരായവര്‍
വഴിയോരങ്ങളില്‍
മതിലുകള്‍ തീര്‍ക്കുന്നു
ജീവിതത്തില്‍
ഉപേക്ഷിക്കപ്പെട്ടവര്‍ക്ക്
മരണത്തില്‍
അവകാശികളുണ്ട്
പട്ടടയില്‍
കെട്ടടങ്ങിയാലും
ആത്മാവുകള്‍
വോട്ടുകളാകും
അമിതാഹാരത്തിന്റെ
ദഹനപ്രക്രിയക്ക്
മുറവിളി കൂട്ടുന്ന
സ്തംഭന കാഹളങ്ങള്‍
രാജാവ് രഥത്തിലാണ്
പ്രജകള്‍ തെരുവിലും
പഴിചാരലുകള്‍
തെറ്റിധരിപ്പിക്കലുകള്‍
ആക്രോശങ്ങള്‍
കൊലവിളികള്‍
ആഘോഷങ്ങള്‍
ഉദയവും അസ്തമയവും
കലണ്ടറും
പുതുവര്‍ഷവും
അറിയാതെ
ജനിച്ചു പോയതുകൊണ്ട് മാത്രം
മരിക്കാതിരിക്കാന്‍
വെറുതെ
കൊതിച്ചു പോകുന്ന
പാഴ്ജന്മങ്ങള്‍ ...
ഡിസംബറിന്റെ
അന്തി ചുവപ്പില്‍
അവ്യക്തമായ
ചില നേര്‍ചിത്രങ്ങള്‍
Facebook Comments
Comments
വിദ്യാധരൻ 2018-12-19 11:03:23
ഇനിയൊരു ജന്മമുണ്ടെങ്കിൽ
അതിരുകൾ ഇല്ലാത്ത ആകാശത്ത്
ഒരു പക്ഷിയായി പറക്കാൻ മോഹം
"അന്തിചുവപ്പും അലയാഴിയുമങ്ങിരുട്ടി-
ലുൻതിസ്ഫുരിക്കുമുഡുരാശിയുംമിന്ദുവും'
ഒന്നിച്ചു പരിലസിക്കുന്ന ആകാശത്ത്
അസ്വാതന്ത്ര്യത്തിന്റെ
ചങ്ങലകളെയും
വഴിയോരത്തെ മതിലുകളെയും
ഭയപ്പെടേണ്ട
ഇടിയ്ക്കിടെ പക്ഷികളെ
ഇടിച്ചു കൊല്ലുന്ന
മനുഷ്യ നിർമ്മിതമായ
വിമാന പക്ഷികളെ
മാത്രം ഭയപ്പെട്ടാൽ മതി
മേഘങ്ങൾക്ക് വിരഹ
ദുഖമുണ്ടോ ?
ഇന്ന് ഒരു വെള്ളിമേഘവും
കരിമുകിലും ഇണചേരുന്നത്
ഞാൻ കണ്ടു
അവരുടെ കാമ കണ്ണുകളിൽ നിന്ന്
തീപ്പൊരി പാറുന്നതും
കെട്ടിമറിയുമ്പോൾ ഉള്ള
മുഴക്കവും ഞാൻ കേട്ടു
അവക്ക് ആത്മാവ് നഷ്ടപ്പെട്ട
ചിലരുടെ രൂപ സാദൃശ്യമുണ്ടായിരുന്നു
അവരുടെ മുഖം പ്രസന്നമായിരുന്നു
പഴിചാരലുകളും
ആക്രോശങ്ങളും
വോട്ടും തട്ടിപ്പും
പൊള്ളയായ
ആഘോഷങ്ങളും
ഇല്ലാത്ത അനന്തമായ ആകാശത്ത്
അവർ ആനന്ദതുന്ദിലരായിരുന്നു
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala