Image

ലണ്ടനില്‍ ആത്മീയോര്‍ജം പകര്‍ന്നു അഭിഷേകാഗ്‌നി കണ്‍വെന്‍ഷന്‍

Published on 04 November, 2018
ലണ്ടനില്‍ ആത്മീയോര്‍ജം പകര്‍ന്നു അഭിഷേകാഗ്‌നി കണ്‍വെന്‍ഷന്‍
 
ലണ്ടന്‍: ഹാരോ ലെഷര്‍ സെന്ററില്‍ നടക്കുന്ന റീജണല്‍ അഭിഷേകാഗ്‌നി കണ്‍വെന്‍ഷന്‍ ആയിരങ്ങള്‍ക്ക് അനുഗ്രഹമേകുന്ന ആത്മീയ ലഹരിയിലേക്ക് നയിക്കപ്പെടുമ്പോള്‍ ലണ്ടന്‍ അനുഗ്രഹ സംഗമ വേദിയാകും. ഗ്രെയ്റ്റ് ബ്രിട്ടന്‍ രൂപതയുടെ മഹായിടയന്‍ മാര്‍ സ്രാമ്പിക്കല്‍ പിതാവ് തിരുക്കര്‍#ംങ്ങള്‍ നയിച്ചു സന്ദേശം നല്‍കുമ്പോള്‍, അഭിഷേകാഗ്‌നി കണ്‍വെന്‍ഷനുകളുടെ അമരക്കാരനായ പ്രശസ്ത തിരുവചന പ്രഘോഷകന്‍ സേവ്യര്‍ ഖാന്‍ വട്ടായില്‍ അച്ചന്‍ തിരുവചന ശുശ്രുഷ നയിക്കുന്നതാണ്.

കുട്ടികള്‍ക്ക് ആത്മീയ ചിന്തകളും ഉപദേശങ്ങളും നല്‍കി ആല്മീയ ധാരയില്‍ വാര്‍ത്തെടുക്കാനുതകുന്ന ശുശ്രുഷകളുമായി സ്പിരിച്ച്വല്‍ ഡയറക്ടറും, ധ്യാന ഗുരുവുമായ സോജി ഓലിക്കല്‍ അച്ചനും ടീമും കുട്ടികളുടെ ധ്യാനം നയിക്കും.

രാവിലെ ഒമ്പതിനു ജപമാല സമര്‍പ്പണത്തോടെ ആരംഭിക്കുന്ന കണ്‍വെന്‍ഷന്‍ ശുശ്രുഷകള്‍ വൈകുന്നേരം അഞ്ചിനു സമാപിക്കും. മരുന്നും, ഭക്ഷണവും ആവശ്യമുള്ളവര്‍ കൈവശം അത് കരുതേണ്ടതാണ്. ഡോ.ജോണ്‍ അബ്രഹാമിന്റെ നേതൃത്വത്തില്‍ വിപുലമായ ഫസ്റ്റ് എയിഡ് സംവിധാനം ഒരുക്കിയിട്ടുണ്ട്.

കണ്‍വെന്‍ഷര്‍ സെന്ററിലും, സമീപത്തുമുള്ള കാര്‍ പാര്‍ക്കിങ്ങുകള്‍ പേ ആന്‍ഡ് ഡിസ്‌പ്ലേ സംവിധാനത്തിലുള്ളതാണ്. പാര്‍ക്കിങ്ങിന് വേണ്ടി അഞ്ചു പൗണ്ടിന്റെ കോയിനുകള്‍ കരുതേണ്ടതാണ്.
ബസുകളില്‍ വരുന്നവര്‍ക്ക് എച്ച്9, എച്ച് 10 ബസുകള്‍ പിടിച്ചാല്‍ ലെഷര്‍ സെന്ററിന്റെ മുന്നില്‍ വന്നിറങ്ങാവുന്നതാണ്. പബ്ലിക് ട്രാന്‍സ്‌പോര്‍ട്ടുപയോഗിച്ച് ഹാരോയില്‍ വന്നിറങ്ങുന്നവര്‍ അറ്റാച്ഡ് റൂട്ട് മാപ് ഉപയോഗിക്കുവാന്‍ താല്പര്യപ്പെടുന്നു.

അനുഗ്രഹങ്ങളുടെ പറുദീസയായി ഹാരോ ലെഷര്‍ സെന്റര്‍ തീരുമ്പോള്‍ ആ ആല്മീയ ആനന്ദം നുകരുവാനും, ആത്മീയോര്‍ജം നേടുവാനും അഭിഷേകാഗ്‌നി ധ്യാന വേദിയിലേക്ക് ഏവരും വന്നെത്തിച്ചേരുവാന്‍ സസ്‌നേഹം ക്ഷണിക്കുന്നതായി കണ്‍വീനര്‍ ഫാ.ജോസ് അന്ത്യാംകുളം, ഫാ.സെബാസ്റ്റ്യന്‍ ചാമക്കാല, ഫാ.ഹാന്‍സ് പുതുക്കുളങ്ങര തുടങ്ങിയവര്‍ അറിയിച്ചു.

കൂടുതല്‍ വിവരങ്ങള്‍ക്ക്: ഷാജി വാട്‌ഫോര്‍ഡ് : 07737702264; തോമസ് ആന്റണി: 07903867625, ജോമോന്‍ ഹെയര്‍ഫീല്‍ഡ്:07804691069

റിപ്പോര്‍ട്ട്: അപ്പച്ചന്‍ കണ്ണന്‍ചിറ

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക