ചേര്ത്തല: പഞ്ചാബില്വച്ച് ദുരൂഹ സാഹചര്യത്തില് മരിച്ച ഫാ. കുര്യാക്കോസ് കാട്ടുതറയുടെ ശവസംസ്കാര ചടങ്ങിനെത്തിയ സിസ്റ്റര് അനുപമയ്ക്കെതിരെ ഒരു വിഭാഗം വിശ്വാസികളുടെ പ്രതിഷേധം. ചേര്ത്തല പള്ളിപ്പുറം സെന്റ് മേരീസ് പള്ളി പരിസരത്താണ് സംഭവം.
പള്ളിമുറ്റത്ത് വച്ച് മാധ്യമങ്ങളോട് സംസാരിക്കാന് തുടങ്ങുമ്പോഴാണ് ഒരുവിഭാഗം ജനങ്ങള് അവരെ തടയുകയും പ്രതിഷേധിക്കുകയും ചെയ്തത്. പള്ളിയുടെ ഗേറ്റിന് ഉള്ളില് വച്ച് മാധ്യമപ്രവര്ത്തകരോട് സംസാരിക്കാന് അനുവദിക്കില്ലെന്ന് അവര് ഉറപ്പിച്ചു പറഞ്ഞതോടെ സിസ്റ്റര് കരഞ്ഞുകൊണ്ട് ഇറങ്ങിപ്പോയി.
കരഞ്ഞു കാണിച്ചതു കൊണ്ടൊന്നും കാര്യമില്ലെന്നും പള്ളിയിലേക്ക് കടത്തിവിടില്ലെന്നും പ്രതിഷേധക്കാര്
പറഞ്ഞു
ഒടുവില്, പള്ളി ഗേറ്റിന് പുറത്തെത്തിക്കഴിഞ്ഞു മാത്രമാണ് സിസ്റ്റര് അനുപമയ്ക്ക് മാധ്യമങ്ങളോട് സംസാരിക്കാനായത്.