ഇടുക്കി ഡാം: ജലനിരപ്പ്‌ 2400 അടി ആകുന്നത്‌ വരെ ഷട്ടറുകള്‍ താഴ്‌ത്തില്ലെന്ന്‌ മന്ത്രി എം.എം മണി
Published on 11 August, 2018
ഇടുക്കി അണക്കെട്ടിലെ ജലനിരപ്പ്‌ 2400 അടി ആകുന്നത്‌ വരെ ഷട്ടറുകള്‍
താഴ്‌ത്തില്ലെന്ന്‌ വൈദ്യുതി മന്ത്രി എം.എം മണി പറഞ്ഞു. ഷട്ടറുകള്‍ താഴ്‌ത്തേണ്ട
സാഹചര്യം ഇപ്പോഴില്ലെന്നും പലയിടത്തും മഴ തുടരുന്നതിനാല്‍ ഷട്ടറുകള്‍
അടയ്‌ക്കാനാകില്ലെന്നും അദ്ദേഹം പറഞ്ഞു.
അതേസമയം സംസ്ഥാനത്ത്‌ അടുത്ത അഞ്ച്‌ ദിവസം കൂടി ശക്തമായ മഴയ്‌ക്ക്‌ സാധ്യതയുണ്ടെന്ന്‌ കാലാവസ്ഥാ നിരീക്ഷണ കേന്ദ്രം മുന്നറിയിപ്പ്‌ നല്‍കിയിട്ടുണ്ട്‌. ഈ മാസം 13 മുതല്‍ അതിശക്തമായ മഴയ്‌ക്ക്‌ സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിച്ചു. ഒറീസാ തീരത്ത്‌ രൂപം കൊണ്ട അന്തരീക്ഷ ചുഴിയാണ്‌ ഇപ്പോഴത്തെ ശക്തമായ മഴയ്‌ക്ക്‌ കാരണം.
അതേസമയം
പ്രളയബാധിത ജില്ലകളില്‍ ഹെലികോപ്‌ടറില്‍ സന്ദര്‍ശനത്തിന്‌ പുറപ്പെട്ട മുഖ്യമന്ത്രി
പിണറായി വിജയനും സംഘത്തിനും മോശം കാലാവസ്ഥ കാരണം ഇടുക്കിയില്‍ ഇറങ്ങാനായില്ല.
കട്ടപ്പന ഗവണ്‍മെന്റ്‌ കോളജില്‍ മുഖ്യമന്ത്രിയുടെ നേതൃത്വത്തില്‍ അവലോകന യോഗം
നടത്താനായിരുന്നു തീരുമാനിച്ചിരുന്നത്‌. എന്നാല്‍ കാലാവസ്ഥ പ്രതികൂലമായതിനാല്‍
ഇതിന്‌ കഴിയാതെ വരികയായിരുന്നു. തുര്‍ന്ന്‌ മുഖ്യമന്ത്രിയും സംഘവും വയനാട്ടിലേക്ക്‌
തിരിച്ചു. വയനാട്‌ സുല്‍ത്താന്‍ ബത്തേരിയില്‍ ഹെലികോപ്‌റ്റര്‍ ഇറങ്ങിയ മുഖ്യമന്ത്രി
കല്‍പ്പറ്റയിലേക്ക്‌ പുറപ്പെട്ടു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala