ഇടുക്കിയില്‍ നിന്നും വെള്ളം കുതിച്ചൊഴുകി വരുമ്പോള്‍ ചെറുതോണി പാലത്തിലൂടെ പിഞ്ചു കുഞ്ഞിനെ രക്ഷിച്ചോടുന്ന രക്ഷാപ്രവര്‍ത്തകന്റെ ദൃശ്യം സമൂഹമാധ്യമങ്ങളില്‍ വൈറലായിരുന്നു. ന്യൂസ്‌ 18 കേരള ചാനലിലെ ക്യാമറാമാനാണ്‌ ദുരന്ത നിവാരണ സേനാ പ്രവര്‍ത്തകന്റെ ദൃശ്യം ഒപ്പിയെടുത്തത്‌. ചിത്രം വൈറലായതോടെ പൊതുമരാമത്ത്‌ മന്ത്രി ജി. സുധാകരന്‍ അടക്കമുള്ളവര്‍ ഇദേഹത്തെ അഭിനന്ദിച്ച്‌ രംഗത്തെത്തിയിരുന്നു.



ഇടുക്കി അണക്കെട്ടിന്റെ അഞ്ചാമത്തെ ഷട്ടര്‍ ഉയര്‍ത്തിയപ്പോഴാണ്‌ കനയ്യയും കുഞ്ഞും സാഹസികമായി പാലം മുറിച്ച്‌ കടന്നത്‌. `വിവരം അറിഞ്ഞപ്പോള്‍ തന്നെ സമയം കളയാതെ കുഞ്ഞിനെ രക്ഷിക്കാന്‍ ഓടുകയായിരുന്നു. അക്കരെയെത്തി ഉടന്‍ കുഞ്ഞിനെയുമെടുത്ത്‌ പാലം കടന്ന്‌ ആശുപത്രിയിലേക്ക്‌ അയക്കുകയായിരുന്നുവെന്ന്‌ കനയ്യ കുമാര്‍ പറഞ്ഞു.