Image

കാലവര്‍ഷക്കെടുതി: ആവശ്യമായ സഹായങ്ങള്‍ നല്‍കുമെന്ന്‌ പ്രധാനമന്ത്രി; കര്‍ണാടക സര്‍ക്കാര്‍ 10 കോടിരൂപ നല്‍കും

Published on 10 August, 2018
കാലവര്‍ഷക്കെടുതി: ആവശ്യമായ സഹായങ്ങള്‍ നല്‍കുമെന്ന്‌ പ്രധാനമന്ത്രി; കര്‍ണാടക സര്‍ക്കാര്‍ 10 കോടിരൂപ നല്‍കും

തിരുവനന്തപുരം : കേരളം ഗുരുതരമായ കാലവര്‍ഷക്കെടുതി നേരിടുന്ന സാഹചര്യത്തില്‍ പ്രധാനമന്ത്രി നരേന്ദ്ര മോഡി മുഖ്യമന്ത്രി പിണറായി വിജയനെ ഫോണില്‍ വിളിച്ച്‌ വിവരങ്ങള്‍ ആരായുകയും ആവശ്യമായ സഹായം ഉറപ്പു നല്‍കുകയും ചെയ്‌തു. സംസ്ഥാനത്തെ സ്ഥിതിഗതികള്‍ പ്രധാനമന്ത്രിയെ ധരിപ്പിച്ചു. രക്ഷാപ്രവര്‍ത്തനത്തിന്‌ പെട്ടെന്ന്‌ സൈനിക വിഭാഗങ്ങളെ അയച്ചതിന്‌ നന്ദി അറിയിച്ചു.

കര്‍ണാടക മുഖ്യമന്ത്രി കുമാരസ്വാമിയും വിളിച്ച്‌ വിവരങ്ങള്‍ തിരക്കുകയും കേരളത്തിന്‌ പിന്തുണ വാഗ്‌ദാനം നല്‍കുകയും ചെയ്‌തു. ദുരിതാശ്വാസത്തിന്‌ പത്തു കോടി രൂപ കര്‍ണാടക സര്‍ക്കാര്‍ അനുവദിച്ചിട്ടുണ്ടെന്നും കുമാരസ്വാമി അറിയിച്ചു.

ബാണാസുര സാഗറില്‍ നിന്നുള്ള വെള്ളം ഒഴുകിപ്പോകുന്നതിന്‌ കബനി നദിയില്‍ കര്‍ണാടക ഭാഗത്തുള്ള ഷട്ടറുകള്‍ കേരളത്തിന്റെ ആവശ്യപ്രകാരം തുറന്നതായും എച്ച്‌.ഡി കുമാരസ്വാമി മുഖ്യമന്ത്രിയെ അറിയിച്ചു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക