കോയമ്‌ബത്തൂര്‍: തമിഴ്‌നാട്ടില്‍ ബസ്‌ അപകടത്തില്‍ പെട്ട്‌ നാലു പേര്‍ക്ക്‌ ദാരുണാന്ത്യം. നാമക്കല്ലിന്‌ സമൂപം ബസ്‌ ലോറിക്ക്‌ പിന്നിലിടിച്ചാണ്‌ അപകടമുണ്ടായത്‌. മരിച്ചവരില്‍ നാലു പേരും മലയാളികളാണ്‌. പന്തളം സ്വദേശികളായ മിനി വര്‍ഗീസ്‌ (36)മകന്‍ ആഷല്‍ ബിജോ (10) ബസ്‌ ക്ലീനര്‍ സിദ്ധാര്‍ഥ്‌ (23) എന്നിവരും തിരിച്ചറിയാത്ത ഒരാളുമാണ്‌ മരിച്ചത്‌.

അപകടത്തില്‍ 10 പേര്‍ക്ക്‌ പരിക്കേറ്റു. മൂന്നു പേര്‍ സംഭവ സ്ഥലത്തുവെച്ചും തിരിച്ചറിയപ്പെടാത്ത ആള്‍ ആശുപത്രിയില്‍ വെച്ചുമാണ്‌ മരിച്ചത്‌. ഇന്നലെ പുലര്‍ച്ചെ നാലുമണിയോടെയാണ്‌ അപകടമുണ്ടായത്‌.