കൊട്ടിയൂര് പീഡനക്കേസുമായി ബന്ധപ്പെട്ട് മൂന്ന് പേരെ സുപ്രീംകോടതി കുറ്റവിമുക്തരാക്കി.സിസ്റ്റര് ടെസ്സി, സിസ്റ്റര് ആന്സി മാത്യു , ഡോ ഹൈദരലി എന്നിവരെയാണ് പ്രതി പട്ടികയില് നിന്ന് സുപ്രീം കോടതി ഒഴിവാക്കിയത്.കേസില് രണ്ട് പ്രതികള് വിചാരണ നേരിടണം.
പ്രതിപട്ടികയില് നിന്ന് ഒഴിവാക്കണമെന്ന് ആവശ്യപ്പെട്ട് ഹര്ജി നല്കിയ ക്രിസ്തുരാജ ആശുപത്രിയിലെ സിസ്റ്റര് ടെസി ജോസ്, ഡോ. ഹൈദര് അലി, സിസ്റ്റര് ആന്സി മാത്യൂഎന്നിവരെയാണ് കുറ്റവിമുക്തരാക്കിയത്.
അതേസമയം വയനാട് ശിശുക്ഷേ സമിതി അധ്യക്ഷന് ഫാ.തോമസ് ജോസ് തേരകം, സമിതി അംഗം ബെറ്റി ജോസഫ് എന്നിവരുടെ ഹര്ജികള് കോടതി തള്ളി.
പ്രായപൂര്ത്തിയാകാത്ത പെണ്കുട്ടി പീഡനത്തിനിരയായ പ്രസവിച്ചതുമായ ബന്ധപ്പെട്ട കേസില് വൈദികന് റോബിന് വടക്കുംചേരിയാണ് ഒന്നാം പ്രതി. കേസിലെ വൈദികനെ രക്ഷിക്കുന്നതിനുള്ള ഇടപെടലുകള് നടത്തിയതിനാണ് മറ്റുള്ളവര്ക്കെതിരെ കേസ്. പീഡനത്തിരയായ 16 കാരി പ്രസവിച്ച കുഞ്ഞ് റോബിന് വടക്കുംചേരിയുടെതാണെന്ന് ഡിഎന്എ പരിശോധനയില് തെളിഞ്ഞിരുന്നു.