ചെന്നൈ: മുന് തമിഴ്നാട് ചീഫ് സെക്രട്ടറി എസ്.മാലതി (57) അന്തരിച്ചു. അര്ബുദ രോഗത്തെ തുടര്ന്ന് ചികിത്സയിലായിരുന്ന മാലതി ചെന്നൈയിലെ സ്വകാര്യ ആശുപത്രിയിലാണ് മരിച്ചത്. രോഗബാധയെ തുടര്ന്ന് 2011 ഓഗസ്റ്റില് സര്വീസില് നിന്നും വിആര്എസ് എടുത്തിരുന്നു. 2003-ലാണ് മാലതിക്ക് കാന്സര് ബാധ കണ്ടെത്തിയത്. 2010 ഓഗസ്റ്റ് 31-നാണ് മാലതി തമിഴ്നാട് ചീഫ് സെക്രട്ടറിയായി സ്ഥാനമേറ്റത്. വാണിജ്യ നികുതി കമ്മീഷണര്, വിജിലന്സ് കമ്മീഷണര്, ആഭ്യന്തര സെക്രട്ടറി തുടങ്ങിയ പദവികളും അവര് വഹിച്ചിട്ടുണ്ട്. 1977 ബാച്ച് ഐഎഎസ് ഉദ്യോഗസ്ഥയാണ് മാലതി.