ബേസല്: 2012ലെ സ്വിസ് ഓപ്പണ് ബാഡ്മിന്റണില് തന്റെ കന്നിമത്സരത്തില് ഇന്ത്യയുടെ ലോക മൂന്നാം നമ്പര് താരവും നിലവിലെ ചാമ്പ്യനുമായ സൈന നെഹ്വാളിന് വിജയം. ഇന്ത്യയുടെ ഫൈനല് പ്രതീക്ഷയായ സൈന ജപ്പാന്റെ സയാക്ക സാട്ടൊവിനെയാണ് ആദ്യമത്സരത്തില് തകര്ത്തത്. സ്കോര്: 21 - 18, 21 - 8. നെതര്ലന്ഡിന്റെ ജൂഡിത്ത് മെവുലെന്ഡിക്സിന് ആണ് അടുത്ത റൗണ്ടില് സൈന നെഹ്വാളിന്റെ എതിരാളി.
അതേസമയം, 2010ലെ ദേശീയ ജൂണിയര് ചാമ്പ്യനും ഇന്ത്യയുടെ മറ്റൊരു പ്രതീക്ഷയുമായിരുന്ന സിന്ധു പി.വിക്ക് പരാജയം നേരിട്ടു. നെതര്ലന്ഡിന്റെ ജീ യാവോടാണ് സിന്ധു പരാജപ്പെട്ടത്. സ്കോര്: 21 - 18, 18 -21, 21 -19. ശക്തമായ പോരാട്ടം കാഴ്ചവച്ചശേഷമായിരുന്നു സിന്ധുവിന്റെ കീഴടങ്ങല്. സിന്ധുവായിരുന്നു ടൂര്ണമെന്റിലെ ഏറ്റവും പ്രായം കുറഞ്ഞതാരം.
പുരുഷന്മാരുടെ ഡബിള്സില് ഇന്ത്യയുടെ രൂപേഷ്കുമാര് - സനേവ് തോമസ് സഖ്യം വിജയിച്ചു. നെതര്ലന്ഡിന്റെ റൂഡ് ബോഷ് - കോയെന് റൈഡര് സഖ്യത്തെയാണ് രൂപേഷ് - സനേവ് സഖ്യം പരാജയപ്പെടുത്തിയത്.
സ്വിറ്റ്സര്ലന്ഡിലെ ബേസലിലെ സെന്റ് യാക്കോബ്സ് ഹാളില് ആരംഭിച്ച ടൂര്ണമെന്റ് 18 ന് സമാപിക്കും. 1,25,000 യുഎസ് ഡോളര് (ഏകദേശം 63 ലക്ഷം രൂപ) ആണ് ടൂര്ണമെന്റിലെ സമ്മാനത്തുക.